दक्षिण कोरियाची आघाडीची ऑटोमेकर किआ (Kia) इलेक्ट्रिक वाहनांच्या जगात आपली ओळख आणखी मजबूत करण्यासाठी सज्ज आहे. कंपनी आपली नवी इलेक्ट्रिक एसयूव्हीचे कॉन्सेप्ट EV9 येत्या 17 नोव्हेंबर रोजी जागतिक स्तरावर लॉन्चिंग करण्याच्या तयारीत आहे. तथापि, पदार्पणाच्या अगोदर, किआ ने अधिकृतपणे त्याच्या कॉन्सेप्टEV9 च्या टीझर प्रतिमा प्रसिद्ध केल्या आहेत. यामध्ये, कॉन्सेप्ट EV9 चे बाह्य प्रोफाइल खूपच बॉक्सी दिसते.
० नव्या गाडीचे आकर्षक लुक
जगभरातील अनेक बाजारपेठांमध्ये एसयूव्ही बॉडी टाईप वाहनाची मागणी वेगाने वाढत आहे आणि इलेक्ट्रिक वाहनांच्या खरेदीदारांमध्ये सातत्याने वाढ होत आहे. हे दोन घटक किआ कॉन्सेप्ट EV9 च्या डिझाइन फिलॉसॉफीच्या केंद्रस्थानी आहेत. कोरियन मार्केटमध्ये कारच्या व्हिज्युअल फीचर्सकडे ‘अल्ट्रामॉडर्न एक्सटीरियर डिझाइन’ म्हणून पाहिले जात आहे. याशिवाय, ही EV एक फ्लॅट रूफलाइन, मोठ्या व्हील आर्च, स्लिम एलईडी डीआरएल सेक्शन आणि एक विशेष फ्रंट ग्रिलसह दिसत आहे.
० एक संकल्पना ( कॉन्सेप्ट) असल्याने, टीझर चित्रात कारचे कोणतेही दरवाजाचे हँडल दिसत नाहीत. यात मोठे षटकोनी (हेक्झोगोनल) सनरूफ आहे. वाहनाच्या साईड प्रोफाईलवर बर्याच कॅरेक्टर लाईन्स आहेत असे दिसते. कारच्या चहुबाजूंनी एलईडीचा प्रचंड वापर होणार हे जवळपास निश्चित आहे.
० किआ कॉन्सेप्ट EV9 ब्रँडच्या इतर कोणत्याही इलेक्ट्रिक वाहनापेक्षा मोठी असेल. इंटिरियरबद्दल बोलायचे झाले तर, केबिनमध्ये किमान डिझाइन घटकांचा अवलंब होण्याची शक्यता आहे.
० किआ EV6 ची जोरदार विक्री
सध्या EV6 हे किआचे जगभरातील बाजारपेठेतील प्रमुख इलेक्ट्रिक वाहन सादर आहे. या इलेक्ट्रिक कारने ज्या काही निवडक मार्केटमध्ये लाँच केले आहे तेथे चांगली कामगिरी केली आहे. उदाहरणार्थ यूएस मध्ये बुकिंग सुरू झाल्यानंतर काही तासांत EV6 विकले गेले. ही इलेक्ट्रिक SUV 400v आणि 800v चार्जिंगला सपोर्ट करते.
किआचा दावा आहे की जर वेगवान चार्जरशी कनेक्ट केले असेल तर, EV6 पाच मिनिटांत 112 किमी आणि सुमारे 18 मिनिटांत 330 किमीपेक्षा जास्त अंतर गाठू शकण्याइतपत चार्ज होऊ शकते.