Drowning Incident : उत्तर कर्नाटकातील कन्नड जिल्ह्यात रविवारी एक भीषण दुर्घटना घडली. भटकलजवळ थट्टे हक्कालु नदीत एकाच कुटुंबातील आठ जणांचा बुडून मृत्यू झाला आहे. या मृतांमध्ये सात महिला आहेत. या घटनेतील अन्य दोन व्यक्ती बेपत्ता आहेत. दरम्यान, दोन व्यक्तींना वाचवण्यात आले. (Drowning Incident) उमेश नाईक, लक्ष्मी महादेव नाईक, लक्ष्मी जत्तप्पा नाईक, लक्ष्मी अप्पन्ना नाईक, लक्ष्मी शिवराम नाईक, ज्योती मस्तम्मा नाईक, मालती नाईक आणि मस्तम्मा नाईक अशी मृतांची नावे आहेत. हे सर्वजण व्यक्ती भटकाळ तालुक्यातील शिराली येथील मूळ रहिवासी असल्याचे सांगण्यात आले आहे. (Drowning Incident) पोलिसांनी दिलेल्या माहितीनुसार, शिराली गावातील सुमारे १४ लोक शिंपले गोळा करण्यासाठी नदीत उतरले होते. यावेळी पाण्याचा अंदाज न घेता ते नदीत अधिक खोलवर गेल्याचे मानले जात आहे. जेव्हा पाण्याचा प्रवाह अचानक वाढला तेव्हा त्यातील एक-दोन व्यक्ती प्रवाहाबरोबर वाहून गेल्या. (Drowning Incident) त्यानंतर पाण्यात बुडणाऱ्यांना वाचवण्याच्या प्रयत्नात इतरही अनेक जणांनी नदीत उडी घेतली. ज्यामुळे आणखी लोक पाण्याच्या जोरदार प्रवाहाच्या विळख्यात सापडले. यात आठ जणांचा मृत्यू झाला असून त्यांचे मृतदेह बाहेर काढण्यात आले आहे. अन्य दोन व्यक्ती अद्याप बेपत्ता आहेत. या बेपत्ता झालेल्यांचा शोध घेण्यासाठी शोधमोहीम सुरू आहे. (Drowning Incident)