Kangna Ranaut : बॉलिवूड अभिनेत्री कंगना रणौत (Kangna Ranaut) पुन्हा एकदा चर्चेत आली आहे. तिचा एक व्हिडिओ सध्या सोशल मीडियावर जोरदार व्हायरल होत असून, या व्हिडिओमुळे कंगनाने गुपचूप लग्न उरकल्याची चर्चा रंगली आहे. समोर आलेल्या व्हिडिओमध्ये कंगना घरातून बाहेर पडून गाडीकडे जाताना दिसते. यावेळी तिने गुलाबी रंगाचा सलवार सूट परिधान केला असून गळ्यात मंगळसूत्र आणि हातात हिरव्या बांगड्या घातलेल्या दिसत आहेत. तिच्या या लूकने चाहत्यांचे लक्ष वेधून घेतले आहे. (Kangna Ranaut) View this post on Instagram A post shared by Viral Bhayani (@viralbhayani) विशेष म्हणजे, माध्यमांचे कॅमेरे समोर असतानाही कंगनाने कोणाशीही संवाद साधला नाही. ती शांतपणे गाडीत जाऊन बसली. कंगनाचा हा व्हिडिओ सोशल मीडियावर व्हायरल होताच चाहत्यांनी तिच्या लग्नाबाबत अंदाज बांधण्यास सुरुवात केली आहे. “कंगनाने गुपचूप लग्न केलं का?” असा प्रश्न अनेकजण उपस्थित करत आहेत. एका युजरने, “गळ्यात मंगळसूत्र दिसतंय… तिचं लग्न झालं आहे का?” अशी प्रतिक्रिया दिली, तर दुसऱ्याने “तो भाग्यवान व्यक्ती कोण?” असा सवाल केला. मात्र, काही चाहत्यांच्या मते हा लूक तिच्या आगामी चित्रपटाशी संबंधित असू शकतो. कंगना सध्या तिच्या गाजलेल्या Queen चित्रपटाचा सिक्वेल ‘क्वीन २’च्या शूटिंगमध्ये व्यस्त असल्याची चर्चा आहे. त्यामुळे हा तिच्या चित्रपटातील पात्राचा लूक असण्याची शक्यता वर्तवली जात आहे. दरम्यान, या लग्नाच्या चर्चांवर कंगना किंवा तिच्या टीमकडून अद्याप कोणतीही अधिकृत प्रतिक्रिया देण्यात आलेली नाही. याआधीही कंगनाने तिच्या लग्नाबद्दल स्पष्ट मत व्यक्त केले होते. Aap Ki Adalat या कार्यक्रमात बोलताना ती म्हणाली होती, “लग्नाबद्दल माझे विचार खूप सकारात्मक आहेत. प्रत्येकाला आयुष्यात जोडीदाराची गरज असते. मलाही लग्न करून मुलं हवी आहेत. पण माझ्यावर इतक्या कोर्ट केसेस आहेत की लोक मला लग्न करू देत नाहीत.” कायम चर्चेत (Kangna Ranaut) कंगनाबद्दल सांगायचं झाल्यास तिने अनेक सिनेमांमध्ये दमदार भूमिका साकारत स्वतःची ओळख भक्कम केली आहे. यासोबतच तिने राजकीय क्षेत्रात देखील पदार्पण केलं आहे. अभिनेत्री आणि भाजप खासदार कंगना राणौत कायम खासगी आणि प्रोफेशनल आयुष्यामुळे चर्चेत असते. हेही वाचा : Pune District : नारायणगाव शहर अतिक्रमणाच्या विळख्यात; पोलिसांकडून अतिक्रमण धारकांना तोंडी सूचना