जुन्नरच्या मुली हुशारच; तालुक्यातील ९७.७७ टक्के विद्यार्थी उत्तीर्ण

तब्बल ४७ शाळांचा निकाल १०० टक्के

जुन्नर (प्रतिनिधी) – महाराष्ट्र राज्य माध्यमिक आणि उच्च माध्यमिक शिक्षण मंडळाच्या वतीने घेण्यात आलेल्या दहावी परीक्षेचा निकाल जाहीर झाला असून जुन्नर तालुक्यातील निकाल हा रेकॉर्डब्रेक म्हणजे तब्बल ९७.७७ टक्के लागला आहे. संपूर्ण राज्यातील दहावीचा निकालही गतवर्षीच्या तुलनेत १८ टक्क्यांनी जास्त लागला आहे. अंतर्गत मूल्यमापन, तोंडी परीक्षा, कृती पत्रिका आणि भूगोलाचे सरासरी गुण यामुळे यावर्षी जास्त निकाल लागल्याचे चित्र आहे.

जुन्नर तालुक्यातील ८९ शाळांमधील ५४०० या परीक्षेस बसले होते. त्यापैकी ५२८० विद्यार्थी उत्तीर्ण झाले असून त्यातील १९९१ विद्यार्थ्यांनी विशेष प्रावीण्य मिळवले आहे. तर प्रथम श्रेणीत १९६१ व द्वितीय श्रेणीत ११२५ विद्यार्थी उत्तीर्ण झाल्याची माहिती गटशिक्षण अधिकारी पांडुरंग मेमाणे यांनी दिली आहे.

तालुक्यातील ८९ शाळांपैकी तब्बल ४७ शाळांचा निकाल १०० टक्के लागल्याची माहिती जुन्नर तालुका मुख्याध्यापक संघाचे अध्यक्ष तबाजी वाघदरे यांनी दिली आहे. आमदार अतुल बेनके यांनी सर्व उत्तीर्ण विद्यार्थी, पालक व शिक्षकांचे अभिनंदन केले आहे.

 जुन्नर तालुक्यातील प्रथम तीन क्रमांकाचे मानकरी-

प्रथम- ९९.६० टक्के
ऋतुजा प्रकाश आमले(अण्णासाहेब आवटे विद्यामंदिर, जुन्नर),
द्वितीय- ९९.२० टक्के
चैत्राली ज्ञानदेव गायकर- (चैतन्य विद्यालय, ओतुर)
तृतीय- ९९.०० टक्के
वैष्णवी मयूर अमूप (सरस्वती विद्यालय उदापूर)

तालुक्यातील १०० टक्के निकाल लागलेल्या शाळा पुढीलप्रमाणे- गुरुवर्य रा. प. सबनीस विद्यामंदिर (नारायणगाव), विद्या विकास मंदिर (राजुरी), सरदार पटेल हायस्कूल (आणे), अंजुमन हायस्कूल (जुन्नर), श्री श्री संभाजी विद्यालय (बोरी), श्री विघ्नहर विद्यालय (ओझर), शिवनेरी विद्यालय (धोलवड), आणे माळशेज हायस्कूल, मढ, पुष्पावती विद्यालय (डिंगोरे), सरस्वती विद्यालय (उदापूर), आश्रमशाळा खिरेश्वर, आश्रमशाळा अंजनावळे, अनंतराव कुलकर्णी इंग्लिश मीडियम (नारायणगांव), न्यू इंग्लिश स्कूल (खामुंडी), सावळाराम बुवा दांगट विद्यालय (उंब्रज), इंदिरा गांधी हायस्कूल (बेल्हे), आश्रम शाळा सोनवणे गुरुवर्य गोविंददेव प्रशाला (बोरी), डॉ. बाबासाहेब आंबेडकर विद्यालय (तांबे), न्यू इंग्लिश स्कूल (राजुर नं. १), शारदाबाई पवार विद्यालय (आंबेगव्हाण), श्री लेण्याद्री विद्यामंदिर (बल्लाळवाडी), ज्ञानदा माध्यमिक विद्यालय (मंगरूळ), सोमतवाडी आश्रमशाळा शितळेश्वर विद्यालय (सितेवाडी), समर्थ मधुकरराव विद्यालय (चिंचोली), कुलस्वामी श्री खंडेराय विद्यालय (हिवरे तर्फे नारायणगाव), कुलस्वामी विद्यामंदिर (वडज), अजितदादा पवार हायस्कूल (देवळे), ग्रामोन्नती मंडळ (गुंजाळवाडी), न्यू इंग्लिश स्कूल (नगदवाडी), न्यू इंग्लिश स्कूल (धामणखेल), न्यू इंग्लिश स्कूल (करंजाळे), न्यू इंग्लिश स्कूल (शिरोली बु.), ज्ञानदा माध्यमिक विद्यालय (गोद्रे), शिवछत्रपती माध्यमिक विद्यालय (आळेफाटा), श्री जगदंबा विद्यालय (जाधववाडी), जे. आर. गुंजाळ इंग्लिश मीडियम स्कूल (आळेफाटा), शेठ नेनसुख मुथा स्कुल (जुन्नर), ज्ञानराज इंग्लिश मीडियम स्कूल (जुन्नर), शंकरराव बुट्टे पाटील इंग्लिश मीडियम (जुन्नर), कर्पदिकेश्वर इंग्लिश स्कूल (ओतूर), हांडे देशमुख हायटेक स्कूल (आळेफाटा), विद्या निकेतन हायस्कूल (साकोरी), रामकृष्ण मोरे इंग्लिश मीडियम स्कूल (शिरोली), हिरा इंग्लिश मिडीयम (खानापूर) व आश्रमशाळा (खटकाळे)

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

Leave A Reply

Your email address will not be published.