Jio Offer । Mukesh Ambani । IPL 2025 : आयपीएल 2025 स्पर्धेला 22 मार्चपासून (शनिवार) सुरुवात होणार आहे. आयपीएलच्या 18 व्या हंगामाला केकेआर आणि आरसीबी यांच्यातील सामन्याने सुरुवात होणार आहे. या स्पर्धेबद्दल चाहत्यांमध्ये नेहमीच प्रचंड क्रेझ आहे. कारण ही जगातील सर्वात मोठी आणि लोकप्रिय लीग आहे. यंदाच्या हंगामासाठी सर्व संघांनी त्यांचे कर्णधारही जाहीर केले आहेत.
दरम्यान, आयपीएल प्रेमींचे आणखी मनोरंजन व्हावे यासाठी जिओने आपल्या ग्राहकांसाठी स्पेशल ऑफर आणली आहे. त्यामुळे आता तुमचे मनोरंजन डबल होणार आहे. नवीन जिओ सिम कनेक्शन घेतल्यावर आणि 299 रुपयांचा रिचार्ज केल्यावर जिओ यूजर्सला कंपनी त्यांचे ओटीटी प्लॅटफॉर्म जिओ हॉटस्टारवर मोफत आयपीएल क्रिकेटचा आनंद घेणार आहे.
जिओच्या अनलिमिटेड क्रिकेट ऑफर योजनेत यूजर्सला टीव्ही आणि मोबाइलवर 90 दिवसांसाठी मोफत जिओ हॉटस्टारचे सब्स्क्रिप्शन मिळणार आहे. तसेच 4K क्वालिटीच्या स्ट्रीमिंगचा आनंद घेता येणार आहे. यामुळे जिओचे यूजर मोबाइल, लॅपटॉप आणि स्मार्ट टीव्हीवर मोफत आयपीएल पाहू शकतात.
किती दिवसांची असणार ऑफर :
जिओने या ऑफरला ‘जिओ हॉटस्टार पॅक’ नाव दिले आहे. ही योजना 22 मार्च 2025 म्हणजे आयपीएल सुरु होण्यापासून 90 दिवसांसाठी आहे. तसेच 2जीबी डे प्लॅनवर यूजर्सला अनलमिटेड 5G डेटा मिळणार आहे. तसेच जिओची ही ऑफर 17 मार्च ते 31 मार्च 2025 दरम्यान रिचार्ज करणाऱ्यांसाठी आहे.
घरगुती ग्राहकांना मिळणार मोफत कनेक्शन :
या सोबतच घरगुती ग्राहकांसाठी रिलायन्सने जिओ ब्रॉडबँडवर जिओ फायबर किंवा जिओ एअर फायबरची मोफत कनेक्शन देत आहे. जिओच्या अल्ट्रा-फास्ट इंटरनेट ब्रॉडबँड कनेक्शन 50 दिवसांसाठी मोफत असणार आहे. यामध्ये 4K मध्ये क्रिकेट पाहण्याचा अनुभव मिळणार आहे. तसेच घरगुती मनोरंजनाचाही लाभ मिळणार आहे.
