Jay Pawar: आज बारामती विधानसभा पोटनिवडणुकीसाठी मतदान होत असून, अजितदादांच्या पत्नी आणि राष्ट्रवादी काँग्रेसच्या अध्यक्ष सुनेत्रा पवार ही निवडणूक लढवत आहेत. सकाळी सुनेत्रा पवार, पार्थ पवार आणि जय पवार यांनी मतदानाचा हक्क बजावला. बारामती पोटनिवडणुकीसाठी मतदान केल्यानंतर माध्यमांशी संवाद साधताना जय पवार यांनी हे मोठं विधान केले. २०२९ च्या विधानसभा निवडणुकीत मी उमेदवार असावं अशी लोकांची इच्छा आहे, असं विधान जय पवारांनी केल्याने राजकीय वर्तुळात चर्चांना उधाण आले आहे. आता सुनेत्रावहिनी निवडणूक लढवत असल्या तरी 2029 मध्ये तुम्ही उमेदवार असाल या प्रश्नावर जय पवार म्हणाले, “2029 मध्ये मला उमेदवारी मिळावी ही लोकांची मागणी आहे. पण मी एक छोटा कार्यकर्ता आहे. तसेच काम सुरु ठेवेन. मी उमेदवार व्हावं ही लोकांची मागणी आहे, माझी नाही. माझी अपेक्षा आहे की मी पक्षाचा कार्यकर्ता म्हणून काम करत राहावं.” अपघातासंदर्भात अहवाल येण्यासाठी एक वर्ष यावेळी जय पवारांनी अजितदादांच्या विमान अपघातासंदर्भात सांगितले की, ‘अजित पवारांच्या अपघातासंदर्भात अहवाल येण्यासाठी एक वर्ष लागणार आहे. त्याचा तपास लवकरात लवकर करावा त्याची मागणी आम्ही वेगळेवेगळे यंत्रणेकडे करत आहोत. सीआयडीची टीम देखील चांगलं काम करत आहे. आमचा त्यांच्याशी संपर्क आहे. Jay Pawar Jay Pawar अपघातासंदर्भात जोपर्यंत खरी माहिती मिळत नाही तोपर्यंत घातपात की अपघात हे स्पष्ट होणार नाही. मी लोकांची दिशाभूल करणार नाही. आपण तोपर्यंत थांबूया जोपर्यंत कारवाई होत नाही. सर्व यंत्रणा व्यवस्थित काम करत आहेत.’ मुख्यमंत्रीसाहेब कालच्या सभेत बोलले ते यात लक्ष घालतील.” असं जय पवार म्हणाले. सुनेत्रा पवार रेकॉर्ड ब्रेक मतांनी निवडून येतील अशी आशा तर आजच्या बारामती पोटनिवडणुकीबाबत जय पवार म्हणाले, “टक्केवारी वाढून मतदान व्हावं अशी आमची आशा आहे. 85 ते 90 टक्के वाटतं. काल सर्व पोलिंग एजंटन्सना फोन लावला. त्यांनी सांगितलं काम चालू आहे. रेकॉर्ड ब्रेक मतांनी निवडून येतील अशी आशा आहे. त्याच्याबद्दल आता काही सांगू शकत नाही. चार तारखेला बघूया” असं जय पवार म्हणाले. Jay Pawar हेही वाचा: Kriti Sanon: ‘कॉकटेल २’मधील कृतिचा ग्लॅमरस अवतार व्हायरल; चाहत्यांकडून जबरदस्त प्रतिसाद
