नवी दिल्ली : जम्मू काश्मीरमधील दहशतवाद्यांचे सत्र काही केल्या संपत नाही. आज पुन्हा एकदा अनंतनाग येथे सीआरपीएफ जवानांवर दहशतवाद्यांनी हल्ला केला आहे. या हल्ल्यात सीआरपीएफचा एक जवान शहीद झाला असून एका स्थानिक मुलाचाही मृत्यू झाला आहे. मिळालेल्या माहितीनुसार, १२ वाजण्याच्या सुमारास दहशतवाद्यांनी अनंतनागमध्ये सीआरपीएफच्या ९० बटालियनवर हल्ला केला. एका वृत्तसंस्थेने याविषयी माहिती दिली आहे.
The CRPF jawan who was injured in the attack has succumbed to his injuries. A child has also been killed by terrorists in the attack: Central Reserve Police Force (CRPF) https://t.co/Lti01r7ZZu
— ANI (@ANI) June 26, 2020
दहशतवादी दुचाकीवरुन आले होते. यावेळी त्यांनी सीआरपीएफच्या गस्त पथकावर गोळीबार केला. सीआरपीएफने दिलेल्या माहितीनुसार, जवानांना राष्ट्रीय महामार्गाच्या सुरक्षेसाठी पाठवण्यात आले होते. यावेळी दहशतवाद्यांनी त्यांच्यावर हल्ला केला. या हल्ल्यात सीआरपीएफचा एक जवान आणि १२ वर्षाचा मुलगा जखमी झाला होता. दोघांनाही रुग्णालयात नेण्यात आले. मात्र तोपर्यंत दोघांचेही निधन झाले. दरम्यान पुलवामा जिल्ह्यातील त्राल परिसरात झालेल्या चकमकीत एका दहशतवाद्याला ठार करण्यात आले आहे. चकमक अद्यापही सुरु आहे.