Ismail Omar Guelleh :इस्लमाइल ओमर गुएलेह (Ismail Omar Guelleh) यांची जिबूटीच्या अध्यक्षपदी सहाव्यांदा फेरनिवड झाली आहे. अध्यक्षपदाच्या निवडणुकीसाठी शुक्रवारी मतदान झाले होते. या मतमोजणीत ९७ टक्के मते गुएलेह यांना मिळाल्यानंतर त्यांच्या विजयाची घोषणा करण्यात आली. जवळपास एक दशलक्ष लोकसंख्या असलेल्या जिबूटीचे ७८ वर्षीय गुएलेह (Ismail Omar Guelleh) हे तब्बल दोन दशकांपासून अध्यक्ष आहेत. आता ते सहाव्यांदा देशाचे अध्यक्ष म्हणून निवडले गेले आहेत. गेल्या वर्षी देशाच्या संसदेने अध्यक्षांच्या कमाल वयोमर्यादेची अट काढून टाकली आहे. त्यामुळे गुएलेह पुन्हा अध्यक्षपदाच्या निवडणुकीत उतरू शकले आहेत. शुक्रवारी झालेले मतदान शांततेत पार पडले, असे देशाच्या निवडणूक अधिकाऱ्यांनी सांगितले. गुएलेह (Ismail Omar Guelleh) यांच्यासमोर सत्तारुढ पक्षाचे माजी नेते मोहम्मद फराह सामातार या एकमेव उमेदवाराचे आव्हान होते. पण गुएलेह यांच्यासमोर ते विशेष मोठे आव्हान उभे करू शकत नसल्याचे निरीक्षकांचे मत होते. राजकीय स्वातंत्र्यावरील निर्बंधांचे कारण देऊन जिबूटीमधील विरोधी पक्षांकडून नेहमीच निवडणुकींवर बहिष्कार घातला जातो. Ismail Omar Guelleh गुएलेह (Ismail Omar Guelleh) यांनी त्यांचे काका, माजी अध्यक्ष हसन गुलेद आप्टिडोन यांच्याकडून राजकीय वारसा घेतला. त्यांच्या घराणेशाहीची जिबूटीच्या राजकारणावर दशकभरापासून पकड आहे. भौगोलिकदृष्ट्या महत्वाचे स्थान असल्याने अमेरिका, चीन, फ्रान्स आणि जपानचे लष्करी तळ जिबूटीमध्ये आहेत. तसेच लाल समुद्र आणि अदेनच्या आखाताला जोडणाऱ्या सामुद्रधुनीवर जिबूटीचे नियंत्रण असल्याने तेथून होणाऱ्या सागरी वाहतुकीवरील कर हा जिबूटीचा उत्पन्नाचा मुख्य स्रोत आहे.