Ishwarpur News : गांधी चौकातील ढबू बंधू यांच्या होलसेल दूकानांच्या दुसऱ्या मजल्यास आग लागून 30 लाखांचे नुकसान झाले. ही आग शार्टसर्किटने लागल्याचा अंदाज व्यक्त होत आहे. (Ishwarpur News) उरुण- ईश्वरपूर, आष्टा नगरपालिका, राजारामबापू व हुतात्मा कारखान्याच्या अग्निशमन बंबांनी स्थानिक नागरिकांच्या मदतीने ही आग आटोक्यात आणली. दुकानातील साहित्य बाहेर काढल्याने मोठे नुकसान टळले. (Ishwarpur News) शहरातील मध्यवस्तीतील गांधी चौकात ढबू बंधूचे गोळ्या, बिस्किट, चिरमूरे, द्रोण, पत्रावळे व इतर खाद्य पदार्थ विक्रीचे होलसेल दुकान आहे. आज दुपारी चार वाजण्याच्या सुमारास दुकानांच्या दुसऱ्या मजल्यास आग लागली. (Ishwarpur News) स्थानिक नागरिकांना दुकानातून येणारा धूर व आगीचे लोट पाहून अग्निशमन बंबांना फोनवरुन माहिती दिली. दाट लोकवस्तीचा हा परिसर असल्याने सुरुवातीस ईश्वरपूर नगरपालिकेच्या अग्निशमन बंबांने आग आटोक्यात आण्याचा प्रयत्न केला. (Ishwarpur News) परंतु, उन्हाचा कडाका व अपुऱ्या यंत्रणेमुळे आगीचा भडका उडाला. राजारामबापू व हुतात्मा साखर कारखाना आणि आष्टा नगरपालिकेचा बंबांना पाचारण करण्यात आले. (Ishwarpur News) माजी नगरसेवक कपिल ओसवाल, अमित ओसवाल, गजानन फल्ले, मानसिंग पाटील व पालिकेच्या कर्मचाऱ्यांनी मदत कार्य राबवून दूकानातील साहित्य बाहेर काढले. दुमजली इमारतीवर पाण्याचा मारा केला. दोन्ही दुकानांतील माल बाहेर काढला. घटनास्थळी लोकांनी मोठी गर्दी केली होती. वाहतूक शाखेच्या पोलीसांनी गर्दी हटवून अग्निशमन बंबांना मार्ग करून दिला. (Ishwarpur News)