Iran Helicopter Crash । इराणचे राष्ट्राध्यक्ष इब्राहिम रायसी यांच्यासह नऊ जणांना घेऊन जाणारे हेलिकॉप्टर रविवारी देशाच्या वायव्य भागात डोंगराळ भागात कोसळले. अपघाताची माहिती मिळताच मोठ्या प्रमाणावर बचावकार्य सुरू करण्यात आले. या घटनेला तब्बल १६ तास उलटून गेले आहेत. तरीही त्यांचा शोध लागलेला नाही. रईसी यांच्यासह इराणचे पराराष्ट्र मंत्री आमिर अब्दुल्लाहिया हेदेखील हेलिकॉप्टरमध्ये बसले होते. शोध आणि बचाव पथकाचे सदस्य हेलिकॉप्टरचा शोध घेण्याच्या प्रयत्नात आहेत मात्र अद्याप त्यांना यश आलेलं नाही. त्यामुळे रईसी आणि अब्दुल्लाह कुठे आहेत हे समजू शकलेलं नाही.
हेलिकॉप्टरच्या शोधासाठी १६ पथके तैनात Iran Helicopter Crash ।
इराणच्या सरकारी वृत्तसंस्थेने दिलेल्या माहितीनुसार,”अपघात झालेल्या हेलिकॉप्टरचा शोध घेण्यासाठी १६ पथकं कामाला लागली आहे. मात्र खराब हवामानामुळे बचावकार्यात अडथळे येत आहेत. रईसी हे इराणच्या पश्चिम बाघातील अझरबैजान या डोंगराळ भागात सरकारी दौऱ्यावर होते. त्यांच्या ताफ्यात आणखी दोन हेलिकॉप्टर होती जी व्यवस्थित आपल्या ठिकाणी पोहचली आहेत. रईसी यांचं हेलिकॉप्टर कोसळल्याचं कारण अद्याप समजू शकलेलं नाही. तसंच रईसी सुरक्षित आहेत का? याचीही माहिती इराणकडून अद्याप देण्यात आलेली नाही.
कधी घडली घटना? Iran Helicopter Crash ।
इराणी वृत्तसंस्थांनी दिलेल्या माहितीनुसार ही रियासी यांच्या हेलिकॉप्टरचा अपघात रविवारी दुपारी १ वाजता म्हणजे भारतीय प्रमाणवेळेनुसार दुपारी ३ वाजता झाला. यानंतर शोध मोहीम सुरु करण्यात आली आहे. मात्र इब्राहिम रईसी यांच्याबाबत कुठलीही माहिती अद्याप समोर आलेली नाही. युद्धपातळीवर बचावकार्य सुरु आहे. मात्र धुकं आणि खराब हवामान यामुळे बचावकार्यात अडथळे येत आहेत. या अपघाताची माहिती समोर आल्यानंतर इराणची चिंता वाढली आहे. राष्ट्रपती रईसी हे सुखरुप परत येतील असा विश्वास आम्हाला वाटतो आहे असं तिथले एक बडे नेते अयातुल्ला खैमी यांनी म्हटलं आहे.
संकटाच्या काळात आम्ही सोबत
इब्राहिम रायसी आणि त्यांच्या विमानाबाबत प्रसारमाध्यमांनी दिलेल्या वृत्तानंतर देशाचे पंतप्रधान नरेंद्र मोदी यांनी चिंता व्यक्त केली. राष्ट्रपती आणि त्यांच्या सहकाऱ्यांच्या सुरक्षेसाठी प्रार्थना करत असल्याचे त्यांनी सोशल मीडिया प्लॅटफॉर्मवरील पोस्टमध्ये म्हटले आहे.या संकट काळात आपण इराण सोबत असल्याचे त्यांनी म्हटले.
