पुणे : मुंबई इंडियन्स इंडियन प्रीमियर लीगच्या इतिहासातील सर्वात यशस्वी संघ आहे, त्यांनी विक्रमी पाच विजेतेपदे जिंकली आहेत. त्यापैकी तीन गेल्या पाच वर्षांत आली आहेत. त्यामुळे यंदाच्या आयपीएल लिलावात त्यांना संघाच्या पुनर्बांधणीसाठी संघर्षाचा सामना करावा लागेल यात शंका नाही.
2020च्या आयपीएल लीलावापूर्वी मुंबईने त्यांचा कर्णधार रोहित शर्मा, स्टार वेगवान गोलंदाज जसप्रीत बुमराह, सूर्यकुमार यादव आणि वेस्ट इंडिजचा अष्टपैलू खेळाडू किरॉन पोलार्ड यांना संघात कायम ठेवने पसंत केले.
मुंबई इंडियन्सचा इतिहास पाहिला तर लक्षात येईल ती त्यांनी आजपर्यंत जे यश मिळवले आहे त्यामध्ये अष्टपैलू खेळाडूंचा सिंहाचा वाटा होता. यापूर्वी हार्दिक पांड्या आणि कृणाल पंड्या यांची किरॉन पोलार्डला भक्कम साथ असायची. मात्र इथून पुढे पोलार्डला पंड्या बंधूंची साथ नसले. पोलार्डला संघात राखण्यात मुंबई इंडियन्स यशस्वी झाले असले तरी ते त्यांच्या प्लेइंग इलेव्हनसाठी यंदाच्या लीलावात किमान दोन अष्टपैलू खेळाडूंचा शोध घेतील.
आयपीएल २०२२ च्या लिलावात मुंबई इंडियन्सकडे ४८ कोटी रुपये असतील आणि त्यांना अष्टपैलू विभागात मोठा खर्च अपेक्षित आहे.
पोलार्ड हा बहुधा एकमेव परदेशी अष्टपैलू खेळाडू असला तरी इतर भूमिकांसाठी मुंबई भारतीय खेळाडूंना खरेदी करण्यासाठी धोरण बदलू शकतात. त्यामुळे मुंबई आता त्यांच्या अष्टपैलू गरजांसाठी परदेशी खेळाडूंमध्ये गुंतवणूक करण्याचा विचार करू शकते.
आयपीएल 2022 च्या लिलावात मुंबई इंडियन्स या तीन परदेशी अष्टपैलू खेळाडूंना आपल्या ताफ्यात दाखल करण्यासाठी उत्सुक असेल.
1) बेन स्टोक्स
आयपीएल 2022च्या लिलावामध्ये बेन स्टोक्सला परदेशातील अष्टपैलू खेळाडू म्हणून सर्वाधिक मागणी असणार यात शंका नाही. मुंबई इंडियन्सकडे त्याच्यासाठी मोठी रक्कम खर्च करण्यास मागेपुढे पहाणार नाही. कारण स्टोक्स मधल्या फळीत किंवा सलामीवीर म्हणूनही फलंदाजी करू शकतो. मुंबईने गेल्या काही वर्षांपासून क्विंटन डी कॉकला सलामीवीर म्हणून खेळवले आहे. जर ते त्याला परत मिळवू शकत नसतील, तर स्टोक्स डावखुरा सलामीवीर म्हणून रोहित शर्मासाठी उत्तम साथीदार ठरु शकतो. याशिवाय स्टोक्सची गोलंदाजी अर्थातच एक जमेची बाजू आहे. मधल्या षटकांचा किंवा अटातटीच्या वेळी तो गोलंदाजीचा एक चांगला पर्याय असू शकतो. शिवाय, तो सध्या जागतिक क्रिकेटमधील सर्वोत्तम क्षेत्ररक्षकांपैकी एक आहे.
2) वानिंदू हसरंगा
2021 च्या टी20 विश्वचषकात त्याच्या अप्रतिम प्रदर्शनानंतर वानिंदू हसरंगा हा श्रीलंकेचा पुढचा सुपरस्टार असल्याचे स्पष्ट झाले आहे. त्याच्यासाठी देशबांधव लसिथ मलिंगाच्या पावलावर पाऊल टाकणे हे त्याच्या कारकिर्दीतील पुढचे लक्ष्य असेल.
मुंबई इंडियन्सचे मुख्य प्रशिक्षक महेला जयवर्धने हे 24 वर्षीय खेळाडूशी परिचित आहेत आणि मुंबईसाठी तो दीर्घकालीन पर्याय म्हणून त्याला संघात घेणे फायदेशीर ठरु शकते.
हसरंगाने टी20 विश्वचषक स्पर्धेत विक्रमी सर्वाधिक 16 बळी मिळवले, जे या स्पर्धेच्या एका आवृत्तीतील कोणत्याही खेळाडूने घेतलेले सर्वाधिक बळी आहे. याचबरोबर त्याने फलंदाजीतही चमक दाखवली आहे. यात 47 चेंडूंत नाबाद 71 धावांचा समावेश आहे.
आपल्या घातक गुगलीसह हसरंगा मधल्या षटकांमध्ये महत्त्वाचे बळी मिळवून देण्यासाठी मुंबई इंडियन्सला मदत करू शकतो. तो फलंदाजीमध्येही प्रबळ आहे. या सर्व पर्यायांमुळे मुंबई इंडियन्सला हसरंगावर खर्च करण्यात कही वावगे वाटणार नाही.
3) सॅम करण
आयीएलच्या मेगा लिलावापूर्वी चेन्नई सुपर किंग्सने इंग्लिश अष्टपैलू सॅम करणला करारमुक्त केल्यामुळे तो लीलावत सर्व संघासाठी उपलब्ध असले. अशातच अष्टपैलू खेळाडूंच्या शोधात असलेल्या मुंबई इंडियन्सचे लक्ष सॅमवर असले. गेल्या चार वर्षात करणने आपल्यातील अष्टपैलू कौशल्याने अनेकवेळा विजयी कामगिरी केली आहे. तो गेली तीन वर्षे चेन्नई सुपर किंग्सचा महत्त्वाचा खेळाडू होता. हार्दिक पंड्या यंदा मुंबई संघात नसल्याने त्याचा तोडीचा खेळाडू म्हणून मुंबई करणकडे पाहत आहे. करण फलंदाजी करताना बहुतांश वेळा फिनिशर म्हणून खेळला आहे. पण त्याच्या मोठे फटके मारण्याच्या क्षमतेचा वापर करण्यासाठी तो एक पिंच-हिटर म्हणून देखील वापर होऊ शकतो.