चंद्रपूर – प्रख्यात समाजसेवक बाबा आमटे यांच्या कुटुंबीयांतील मतभेद चव्हाट्यावर आल्यानंतर त्यांची नात डॉ. शीतल आमटे-करजगी यांचा चंद्रपूर शासकीय रुग्णालयात आज सकाळी मृत्यू झाला. त्यांचा मृत्यू हा आत्महत्या आहे का? याचा पोलीस तपास करत आहेत.
वरोरा पोलीस ठाण्याचे निरीक्षक दीपक खोब्रागडे यांनी दिलेल्या माहितीनुसार, शीतल यांच्या प्रकृती खालावल्याने त्यांना चंद्रपूर शासकीय रुग्णालयात हलवण्यात आले. तेथे त्यांचा मृत्यू झाला. खोब्रागडे यांना त्यांनी आत्महत्या केली का? असे थेट विचारता त्यांनी मी त्याला दुजोरा देऊ शकत नाही, असे सांगितले.
दरम्यान, शीतल आमटे यांनी मृत्यूपूर्वी सोशल मीडियावर एक पोस्ट केली होती. त्यांनी सोशल मीडियावर स्वतः काढलेली एक पेंटिंग पोस्ट केली असून यावर २९ नोव्हेंबर २०२० अशी तारीखही आहे. हे पेंटिंग शेअर करताना शीतल आमटेंनी युद्ध आणि शांतता असे कॅप्शन दिले आहे. या पोस्टमधून शीतल आमटे काही संकेत देत होत्या का? असा प्रश्न चर्चिला जात आहे.
‘War and Peace’#acrylic on canvas.
30 inches x 30 inches. pic.twitter.com/yxfFhuv89z— Dr. Sheetal Amte-Karajgi (@AmteSheetal) November 30, 2020
— Dr. Sheetal Amte-Karajgi (@AmteSheetal) November 22, 2020