नवी दिल्ली : देशाचा स्वातंत्र्यदिन देशातच नाही तर परदेशातही मोठ्या उत्साहात साजरा करण्यात आला. परंतु, देशाच्या स्वातंत्र्यदिनाला लंडनमध्ये अशी घटना घडली जी प्रत्येक भारतीय नागरिकाला त्याचा अभिमान वाटला. 15 ऑगस्ट रोजी लंडनमध्ये भारतीय उच्चायुक्‍तालया बाहेर पाकिस्तान आणि खलिस्तान समर्थकांनी विरोध प्रदर्शन केले एवढेच नाही तर भारतीय तिरंग्याचा अपमान करण्याचा प्रयत्न केला. परंतु, तिथे उपस्थित असणाऱ्या एका महिला पत्रकाराने विरोध प्रदर्शन करणाऱ्या नागरिकांना ते करण्यापासून रोखले.
#WATCH: Journalist Poonam Joshi covering for ANI the #IndianIndependenceDay celebrations outside Indian High Commission in London,where Pro-Pak & Pro-Khalistan protests were also underway, snatches 2 torn parts of tricolour from Khalistan supporters who had seized it from Indians pic.twitter.com/Go7X2tVZXg
— ANI (@ANI) August 17, 2019
लंडनमधील भारतीय उच्चायुक्‍तालया बाहेर खलिस्तानवादी आणि पाकिस्तानचे समर्थक भारताने काश्‍मीरमुद्यावरून घेतलेल्या निर्णयाचा विरोध दर्शवण्यासाठी आले होते. परंतू, यावेळी त्यांनी भारतीय तिरंग्याचा अपमान करण्याचा प्रयत्न केला, परंतु, त्याचवेळी तिथे उपस्थित असणारी भारतीय पत्रकार पुनम जोशी ही त्या आंदोलकांशी भिडली. तसेच त्यांच्या हातातून तिरंगा ओढून घेतला. दरम्यान, एका वृत्तसंस्थेची पुनम पत्रकार आहे त्या वृत्तसंस्थेनी आपल्या ट्विटर आणि फेसबूक पेजवर याविषयीचा व्हिडीओ प्रसारित केला आहे. हजारोंच्या गर्दीत जावून या महिला पत्रकाराने तिरंग्याचा मान ठेवला आणि आंदोलनकर्त्यांशी भिडली त्यामुळे तिचे सर्वस्तरातून कौतूक सुरू आहे.
