Indian Economy Rank: गेल्या वर्षी (2024) भारतीय अर्थव्यवस्था जगात पाचव्या क्रमांकाचे होती. दरम्यानच्या काळात एका वर्षामध्ये रुपयाचे जवळजवळ पाच टक्क्यांनी अवमूल्यन झाले आहे. त्यामुळे डॉलरमध्ये भारतीय अर्थव्यवस्थेचे मूल्यांकन कमी झाले आहे. अशा परिस्थितीत सध्याच्या(2025) मूल्यांकनानुसार भारतीय अर्थव्यवस्था आता सहाव्या क्रमांकाची झाली असल्याची माहिती आंतरराष्ट्रीय नाणेनिधीच्या नव्या अहवालात जारी करण्यात आली आहे. भारताचा विकासदर सध्या जगात सर्वात जास्त आहे आणि आगामी काळातही कायम राहणार आहे या बाबीवर नाणेनिधीने शिक्कामोर्तब केले आहे. मात्र डॉलर मध्ये भारतीय अर्थव्यवस्थेचे मूल्यांकन इतर देशापेक्षा कमी झाले आहे. सध्याच्या मूल्यांकनानुसार भारतीय अर्थव्यवस्था 3.92 लाख कोटी डॉलरची आहे. ब्रिटनची अर्थव्यवस्था 4 लाख कोटी डॉलरची, जपानची अर्थव्यवस्था 4.44 लाख कोटी डॉलरची, अमेरिकेची अर्थव्यवस्था 30.8 लाख कोटी डॉलरची, तर चीनची अर्थव्यवस्था 19.6 लाख कोटी डॉलरची आहे.जर्मनीची अर्थव्यवस्था 4.7 लाख कोटी डॉलरची आहे. भारताची अर्थव्यवस्था सहाव्या क्रमांकावर गेली आहे. गेल्या वर्षी म्हणजे 2024 मध्ये भारताची अर्थव्यवस्था 3.5 लाख कोटी डॉलरची होती व ब्रिटनचे अर्थव्यवस्था 3.4 लाख कोटी डॉलरची होती. मात्र नव्या मूल्यांकनात भारत आता ब्रिटनपेक्षा मागे गेला आहे. हेही वाचा – नफेखोरीमुळे शेअर बाजार निर्देशांकात माफक घट मात्र हा फरक अत्यल्प आहे आणि भारत लवकरच हा फरक भरून काढेल. जर जागतिक परिस्थिती सुधारली आणि भारतीय रुपयाचे मूल्य स्थिर झाले तर भारत पुन्हा तिसर्या किंवा चौथ्या क्रमांकाची अर्थव्यवस्था होण्याची शक्यता नाकारता येत नाही. रुपयांमध्ये भारतीय अर्थव्यवस्था अजूनही उच्च पातळीवर आहे मात्र नुकतेच राष्ट्रीय उत्पन्न मूल्यांकनाचे आधार वर्ष बदलण्यात आलेले आहे. डॉलर बळकट झालेला आहे. त्यामुळे या आकडेवारीवर परिणाम झाला आहे. 2024 मध्ये भारतीय रुपयाचे मूल्य 84.6 रुपये प्रति डॉलर होते. 2025 मध्ये ते 88.5 रुपये प्रति डॉलर या पातळीवर गेले. सध्या रुपयाचा भाव 92 रुपये प्रति डॉलर या पातळीवर गेलेला आहे.