Helicopter Crash : लडाखमध्ये भारतीय लष्कराच्या ‘चीता’ हेलिकॉप्टरचा झालेला अपघात गंभीर मानला जात आहे. प्राथमिक माहितीनुसार, हेलिकॉप्टर श्योक नदी परिसरातील डोंगराला धडकून कोसळले. या दुर्घटनेत हेलिकॉप्टरमधील डिव्हिजन कमांडर सुरक्षित बचावले असले, तरी दोन्ही वैमानिक जखमी झाले आहेत. (Helicopter Crash) अपघातानंतर लष्कराने तातडीने बचावकार्य सुरू करत १५ ते २० मिनिटांत पथके घटनास्थळी पोहोचवली. जखमी अधिकाऱ्यांना बाहेर काढून लेह येथील रुग्णालयात दाखल करण्यात आले असून त्यांच्यावर उपचार सुरू आहेत. (Helicopter Crash) विशेष म्हणजे, अपघाताच्या वेळी हवामान स्वच्छ असल्याचे लष्करी सूत्रांनी सांगितले आहे. त्यामुळे खराब हवामान किंवा कमी दृश्यमानता ही कारणे नसल्याचे स्पष्ट झाले असून हेलिकॉप्टर डोंगराला नेमके कसे धडकले, याबाबत चौकशी सुरू करण्यात आली आहे. (Helicopter Crash) Helicopter Crash : मोठी बातमी..! डोंगराला धडकून हेलिकॉप्टरचा भीषण अपघात या घटनेनंतर पुन्हा एकदा लष्करातील जुन्या ‘चीता’ हेलिकॉप्टर ताफ्याबाबत प्रश्न उपस्थित झाले आहेत. उंच आणि दुर्गम भागांमध्ये वापरल्या जाणाऱ्या या हेलिकॉप्टरपैकी अनेक हेलिकॉप्टर ३० ते ५० वर्षे जुनी असल्याचे सांगितले जात आहे. संरक्षण तज्ज्ञांकडून दीर्घकाळापासून या ताफ्याचे आधुनिकीकरण करण्याची मागणी होत आहे. (Helicopter Crash)