हैदराबाद – सलामीवीर शुभमन गिलने द्विशतक साजरे करुन धावांचा डोंगर उभारला असताना, न्यूझीलंडच्या मायकेल ब्रेसवेलने अखेरच्या षटकापर्यंत झुंज दिल्याने भारताने पहिल्या एकदिवसीय सामन्यात अवघ्या 12 धावांनी रोमांचक विजय मिळवला. तीन सामन्यांच्या एकदिवसीय मालिकेत भारताने 1-0 अशी आघाडी घेतली.
#SouthAfrica । दक्षिण आफ्रिकेच्या दिग्गज फलंदाजाने क्रिकेटच्या सर्वच फॉरमॅटमधून घेतली निवृत्ती
नाणेफेक जिंकल्यानंतर कर्णधार रोहित शर्माने फलंदाजी करण्याचा निर्णय घेतला. शुभनमने अवघ्या 87 चेंडूंत तडाखेबाज शतक पूर्ण केले. शतकानंतर न थांबता चौफेर चौकार षटकारांची आतषबाजी करताना त्याने 145 चेंडूत विक्रमी द्विशतक पूर्ण केले. 149 चेंडूंत 19 चौकार व 9 षटकारांची बरसात करून तो 208 धावांवर बाद झाला. गिलच्या खेळीने भारताने निर्धारित 50 षटकांत 8 बाद 349 धावांचा डोंगर रचला. भारताच्या या आव्हानासमोर किवी संघाच्या मायकेल ब्रेसवेलच्या झुंजार शतकाच्या जोरावर 49.2 षटकांत 337 धावा करत भारताचा विजय लांबवला.
#INDvNZ : शुभमनचे धडाकेबाज द्विशतक | जाणून घ्या…ODI मध्ये व्दिशतक झळकवणाऱ्या इतर फलंदाजांची यादी
पाहुण्या संघाची सुरुवात खराब झाली. अवघ्या 28 धावांवर त्यांनी पहिली विकेट गमावली. फिन ऍलन 40 (39), डेवॉन कॉनवे 10(16), हेन्री निकोल्स 18(31), डॅरिल मिचेल 9(12), टॉम लॅथम 24(46), ग्लेन फिलिप्स 11(20), बाद झाले. मायकेल ब्रेसवेल आणि मिशेल सॅंटनर यांनी दीडशतकी (162) भागीदारी केली. ब्रेसवेलने त्याचे शतक पूर्ण करत न्यूझीलंडला विजयाच्या समीप नेले पण त्याचे प्रयत्न अपुरे पडले. मिशेल सॅंटनरने अर्धशतक साजरे करत 57 धावा केल्या. महंमद सिराजने सर्वाधिक 4 गडी बाद केले. शार्दूल ठाकूर आणि कुलदीप यादवने 2 गडी बाद केले. तर महंमद शमी आणि हार्दिक पंड्या यांना 1-1 गडी बाद करण्यात यश आले.
2️⃣0️⃣8️⃣ runs
1️⃣4️⃣9️⃣ balls
9️⃣ sixes 🔥A monumental double-century from @ShubmanGill makes him the Player of the Match as #TeamIndia register a 12-run victory in the first #INDvNZ ODI 👏
Scorecard ▶️ https://t.co/DXx5mqRguU @mastercardindia pic.twitter.com/HSCROoJfPi
— BCCI (@BCCI) January 18, 2023
सर्वांत युवा फलंदाज
शुभनम गिलने या सामन्यात अनेक भीमपराक्रम आपल्या नावे केले. गिल द्विशतक झळकावणारा जगातील आठवा फलंदाज ठरला. एकदिवसीय क्रिकेटमध्ये द्विशतक झळकावणारा गिल हा सर्वात तरुण फलंदाज ठरला. वयाच्या 23 व्या वर्षी त्याने हा पराक्रम केला. यापूर्वी हा विक्रम ईशान किशनच्या नावावर होता, ज्याने 24 व्या वर्षी बांगलादेशविरुद्ध द्विशतक झळकावले होते. शुभमनने 149 चेंडूचा सामना करत 19 चौकार आणि 9 षटकार लगावले. गिल भारताकडून वनडेत द्विशतक झळकावणारा पाचवा फलंदाज ठरला. गिलच्या वनडेमध्ये हजार धावा देखील पूर्ण झाल्या. त्याने हा विक्रम 19व्या डावात पूर्ण केला. सर्वांत कमी डावात हजार धावा पूर्ण करणारा गिल जगातील दुसरा फलंदाज ठरला.
भारताचे द्विशतवीर फलंदाज
सचिन तेंडुलकर 200* वि. दक्षिण आफ्रिका 2010
वीरेंद्र सेहवाग 219 वि. वेस्ट इंडीज 2011
रोहित शर्मा 209 वि. ऑस्ट्रेलिया 2013
रोहित शर्मा 264 वि. श्रीलंका 2014
रोहित शर्मा 208* वि. श्रीलंका 2017
इशान किशन 210 वि. बांगलादेश 2022
शुभमन गिल 208 वि. न्यूझीलंड 2023
सर्वांत जलद 1000 धावा
1. फखर जमान (पाकिस्तान) – 18 डाव
2. शुभमन गिल (भारत) – 19 डाव
3. इमाम-उल-हक (पाकिस्तान) – 19 डाव
4. व्हिव्हियन रिचर्डस (वेस्ट इंडिज) – 21 डाव
5. केविन पीटरसन (इंग्लंड) – 21 डाव
6. जोनाथन ट्रॉट (इंग्लंड) – 21 डाव
7. क्विंटन डिकॉक (दक्षिण आफ्रिका) – 21 डाव
8. बाबर आझम (पाकिस्तान) – 21 डाव
9. रॅसी व्हॅन डर डुसेन (दक्षिण आफ्रिका) – 21 डाव