Rohit Sharma : क्रिकेट हा खेळ एव्हढा लोकप्रिय झालाय की, अनेकदा चाहते आपल्या आवडत्या खेळाडूंना भेटण्यासाठी काहीही करतात. कित्येक वेळा चाहते सुरु असलेल्या सामन्यात खेळाडूंना भेटण्यासाठी सुरक्षा रक्षकांना हुलकावणी देऊन मैदानात प्रवेश करतात. असाच एक विचित्र प्रकार कालच्या भारत आणि साऊथ आफ्रिका यांच्यातील टी-२० सामन्यादरम्यान पाहायला मिळाला.
तिरुअनंतपूरम येथील ग्रीनफिल्ड मैदानवर खेळल्या गेलेल्या पहिल्या टी-२० सामन्यात भारतीय गोलंदाजांनी कमालीची कामगिरी करत विरोधी संघाला पराभवाचे तोंड दाखवले. भारतीय संघ पहिल्यांदा क्षेत्ररक्षण करत असताना एक चाहता सुरक्षा रक्षकांना हुलकावणी देत रोहितला भेटण्यासाठी थेट मैदानात पोहोचला. चाहत्याने चक्क रोहित शर्माचे ( Rohit Sharma ) पायाच धरले आणि सेल्फी काढण्याचा अट्टाहास केला. मात्र सुरक्षा रक्षकांनी त्याला मैदानाबाहेर नेले.
असा प्रकार पाहण्यास जरी चांगला वाटत असला तरी त्यामुळे मैदानातील सुरेक्षेबाबतचा प्रश्न ऐरणीवर आला आहे. यापूर्वीही अनेक वेळा अशा घटना घडल्या आहेत. त्याच्या परिणाम थेट सामन्यावर होतो आणि वेळही वाया जातो. सामना संपल्यानंतर रोहित शर्मा ( Rohit Sharma ) स्वतः त्याच्या चाहत्यांना भेटला. त्याने अनेकांना ऑटोग्राफ दिला व सेल्फी देखील काढल्या. याचा एक व्हिडीओ बीसीसीआयने त्यांच्या अधिकृत ट्विटर खात्यावरून शेअर केला आहे. ( India vs South Africa t20i match fan met Rohit Sharma in field by beating the security guards )
Just a little something for the fans here in Thiruvananthapuram, courtesy Captain @ImRo45! 😊😊#TeamIndia | #INDvSA pic.twitter.com/K1dAWzqdA9
— BCCI (@BCCI) September 28, 2022
कालपासून भारत आणि साऊथ आफ्रिका यांच्यात टी-२० मालिकेला सुरुवात झाली. सामन्यात सुरुवातीला नाणेफेक जिंकून भारताचा कर्णधार रोहित शर्मा ( Rohit Sharma ) याने प्रथम गोलंदाजी करण्याचा निर्णय घेतला होता. भारतीय गोलंदाजांनी दमदार कामगिरी करत आफ्रिकन संघाला अवघ्या १०८ धावांवरच रोखले. अर्शदीप सिंगने ३ तर हर्षल पटेल आणि दीपक चहर यांनी प्रत्येकी २ गडी बाद केले. प्रत्युत्तरात भारताने कर्णधार रोहित आणि विराट यांना स्वस्तात गमावले. मात्र यानंतर केएल राहुल ( ५१ धावा ) आणि सूर्यकुमार यादव ( ५० धावा ) यांनी अर्धशतके ठोकली आणि सामना खिशात घातला.