Mohammed Shami : भारत आणि दक्षिण आफ्रिका यांच्यात तीन सामन्यांची टी-२० मालिका खेळवली जाणार आहे. वेगवान गोलंदाज मोहम्मद शमी ( Mohammed Shami ) या मालिकेचा भाग नाही. तो ऑस्ट्रेलिया विरुद्धच्या मालिकेपूर्वी कोविड-१९ पॉझिटिव्ह आढळला होता. त्यामुळे शमीला संघाबाहेर ठेवण्यात आले होते. शमीने आज सोशल मीडियाच्या माध्यमातून सांगितले की, त्याचा कोविड-१९ रिपोर्ट निगेटिव्ह आला आहे. भारतीय संघाने शमीच्या जागी उमेश यादवला दक्षिण आफ्रिकेविरुद्ध संधी दिली आहे. त्यामुळे आता शमी यादेखील मालिकेला मुकणार आहे.
मोहम्मद शमी ( Mohammed Shami ) इंग्लंड विरुद्धच्या एकदिवसीय मालिकेनंतर कोविड-१९ पॉजिटीव्ह आढळला होता. त्याचा हा रिपोर्ट येण्याअगोदर ऑस्ट्रेलिया विरुध्द्व होणाऱ्या टी-२० मालिकेसाठी शमीची निवड करण्यात आली होती. मात्र त्याचा कोविड-१९ रिपोर्ट पॉजिटीव्ह आल्यामुळे त्याच्या जागी वेगवान गोलंदाज उमेश यादवला संघात सामील करण्यात आले होते. त्यामुळे आता साऊथ आफ्रिका विरुध्द्व होणाऱ्या टी-२० मालिकेसाठी देखील उमेशला संघात ठेवण्यात आले आहे.
मोहम्मद शमीने ( Mohammed Shami ) त्याच्या कोविड-१९ रिपोर्ट बाबत माहिती सोशल मीडियावर शेअर केली आहे. ( India vs south africa frist T20i match Mohammad Shami Covid 19 report Negative) शमीने त्याचा रिपोर्ट हा निगेटिव्ह आला असल्याचे त्याच्या अधिकृत इंस्टाग्राम खात्यावरून सांगितले आहे. दुसरीकडे भारतीय संघ कालच तिरुअनंतपुरमला पोहोचला आहे. आजपासून दक्षिण आफ्रिका आणि भारत यांच्यात टी-२० मालिकेला सुरुवात होणार आहे. मोहम्मद शमी भारतीय संघासोबत गेलेला नाही. त्याच्याजागी उमेश यादवला संघात सामील करण्यात आले आहे.
