ICCT20 Ranking : भारतीय संघाने आशिया चषकात केलेल्या कामगिरीवर अनेकांनी नाराजी व्यक्त केली. त्याचे कारण देखील तसेच महत्वाचे होते. कारण आशिया चषक स्पर्धा पाहता भारतीय संघाला ही स्पर्धा जिंकण्यास सर्वात मुख्य दावेदार मानले जात होते. मात्र संघाला चाहत्यांच्या अपेक्षांवर खरे उतरता आले नाही. साखळी सामन्यात भारताने चांगली कामगिरी केली होती, पण सुपर फोरच्या सामन्यांत भारताने दोन्ही सामने गमावले आणि तेथेच स्पर्धेतील आव्हान संपुष्टात आले.
आशिया चषकानंतर भारतीय संघावर जोरदार टीका झाली. यानंतर आता भारतीय संघाने त्या अपयशाला मागे सोडत ऑस्ट्रेलियाविरुध्द्व ३ सामन्यांची टी-२० मालिका जिंकून जोरदार पुनरागमन केले आहे. भारताने मायदेशात खेळलेल्या या मालिकेत ऑस्ट्रेलियाला २-१ ने धूळ चारली. याच कामगिरीमुळे भारताने आपले आयसीसी टी-२० क्रमवारीतील पहिले स्थान कायम राखले आहे.
मात्र भारतीय संघाची खरी परीक्षा ही याच वर्षी ऑस्ट्रेलियात होणाऱ्या टी-२० विश्वचषकात पाहायला मिळणार आहे.
#DuleepTrophy : पंचांनी ताकित देण्यापूर्वीच ‘जयस्वाल’ला रहाणेने मैदानाबाहेर काढलं
आयसीसीने नव्याने जाहीर केलेल्या आंतरराष्ट्रीय टी-२० क्रमवारीत भारत २६८ रेटिंग गुणांसह पाहिल्या स्थानावर कायम आहे. त्याचबरोबर इंग्लंडचा संघ २६१ रेटिंग गुणांसह अगदी भारताच्या जवळ आहे. इंग्लंड संघ सध्या पाकिस्तान दौऱ्यावर आहे. पाकिस्तान आणि इंग्लंड यांच्यात टी-२० मालिका खेळली जात आहे.
त्यामुळे इंग्लंड संघ भारताला मागे टाकण्याचा पूर्ण प्रयत्न करेल. दक्षिण आफ्रिकेचा संघ २५८ रेटिंग गुणांसह तिसऱ्या क्रमांकावर आहे. तर दक्षिण आफ्रिका आणि भारत यांच्यात बुधवारपासून टी-२० मालिकेकला सुरुवात होणार आहे. त्यामुळे आयसीसीने या जाहीर केलेल्या क्रमवारीत बदल होण्याची दाट शक्यता आहे.
क्रिकेट काॅर्नर : देशांतर्गत क्रिकेटला प्रतीक्षा प्रेक्षकांची
या क्रमवारीत पाकिस्तान संघ २५८ रेटिंग गुणांसह चौथ्या क्रमांकावर आहे. पाकिस्तान आणि इंग्लंड यांच्या सध्या ७ सामन्यांची टी-२० मालिका सुरु आहे. मालिकेत दोन्हीही संघ २-२ अशा बरोबरीत आहेत. मात्र पाकिस्तानने या मालिकेत बाजी मारल्यास क्रमवारीत उलटफेर होण्याची शक्यता आहे. तसे पहिले तर सर्वच संघांची सध्या नजर ही आयसीसी क्रमवारीकडे नसून पुढील महिन्यात होणाऱ्या टी-२० विश्वचषकाकडे असणार आहे. ICCT20 Ranking