नवी दिल्ली – चीनमधून होणारी निकृष्ट दर्जाच्या इलेक्ट्रॉनिक वस्तूंची आयात रोखण्यासाठी भारताने 7 उत्पादने अनिवार्य नोंदणी आदेशात (Cumpolsary Registration Order) ठेवण्याचा निर्णय घेतला आहे. या आदेशाच्या अंमलबजावणीनंतर, निकृष्ट दर्जाचे डिजिटल कॅमेरे, व्हिडिओ कॅमेरे, वेबकॅम, ब्लूटूथ स्पीकर्स, स्मार्ट स्पीकर्स आणि वायरलेस हेडसेटची चीनमधून होणारी आयात थांबविली जाईल. आता केवळ भारतीय मानक ब्युरो (Bureau Standards Of India) प्रमाणित झाल्यासच आयात केली जाऊ शकते.
यापुढे कोणत्याही पुराव्याशिवाय वस्तू आयात करणे शक्य होणार नाही. सरकारने या उत्पादनांची यादी डब्ल्यूटीओला दिली आहे. या कंपन्यांना बीआयएस पुरावा मिळवण्यासाठी 3 महिने मिळणार आहेत. या यादीमध्ये डिजिटल कॅमेरे, व्हिडिओ कॅमेरे, वेबकॅम, ब्लूटूथ स्पीकर, स्मार्ट स्पीकर, एलईडी डिमर आणि वायरलेस हेडसेटचा समावेश आहे.
2012 मध्ये सरकारने अनिवार्य नोंदणी आदेशाबाबत मार्गदर्शक तत्त्वे जारी केली होती. या मार्गदर्शक तत्त्वांनुसार, सरकार केवळ मानके पूर्ण करणार्या वस्तूंच्या आयातीसच परवानगी देते.
बीआयएस चाचणी घेतल्यानंतर या उत्पादनांचा परवाना घ्यावा लागणार आहे. त्यानंतरच उत्पादनांची आयात भारतात होऊ शकेल. भारतात चीनमधून होणाऱ्या निकृष्ट दर्जा असणाऱ्या उत्पादनांच्या आयातीवर बंदी घातल्यानंतर स्थानिक उद्योगांना चालना मिळणार आहे.