लिजेंड्स लीग क्रिकेट २०२२ स्पर्धेच्या क्वालिफायरच्या सामन्यात इंडिया कॅपिटल्स आणि भिलवाडा किंग्ज हे दोन्ही संघ आमने-सामने होते. या रोमांचक सामन्यात इंडिया कॅपिटल्सने भीलवाडा किंग्जचा ४ गडी राखून पराभव केला. या विजयासह इंडिया कॅपिटल्सने अंतिम फेरीत प्रवेश केला आहे. सामन्यात प्रथम फलंदाजी करताना भिलवाडा किंग्जने ५ बाद २२६ धावसंख्या उभारली होती.
मात्र प्रत्युत्तरात इंडिया कॅपिटल्सने ३ चेंडू शिल्लक असताना आणि ४ गडी राखून या सामन्यात विजय मिळवला. गौतम गंभीरच्या नेतृत्वाखाली इंडिया कॅपिटल्सने १९.३ षटकात ६ गडयांच्या मोबदल्यात २३१ धावा केल्या आणि विजय मिळवला. या सामन्यादरम्यान भिलवाडा किंग्जचा युसूफ पठाण आणि इंडिया कॅपिटल्सचा वेगवान गोलंदाज मिचेल जॉन्सन यांच्यात जोरदार वादावादी झाल्याचे पाहायला मिळाले. दोघेही एकमेकांच्या अंगावर अगदी धावून गेल्याचेही दिसले.
यादरम्यान दोघांमधील वाद जास्तच वाढले आणि परिस्थिती हाणामारीपर्यंत पोहोचली. यावेळी जॉन्सनने पठाणला धक्काही दिल्याचे पाहायला मिळाले. मात्र यांनतर प्रकरण जास्तच चिघळण्यापूर्वीच पंचांनी मध्यस्थी केली आणि वाद मिटवला. या वादाचा मिचेल जॉन्सनला चांगलाच फटका बसला आणि त्याच्यावर एका सामन्याची बंदी घालण्यात आली. इंडिया कॅपिटल्सकडून जॉन्सनने ४ षटकात ५१ धावा देत २ बळी घेतले होते. ( Legends League Cricket 2022 India Capitals vs Bhilwara Kings Match Yusuf Pathan And Mitchell Johnsan Fight )
#ICYMI: Things got really heated in @llct20 between Yusuf Pathan and Mitchell Johnson. 🔥 pic.twitter.com/4EnwxlOg5P
— Nikhil 🏏 (@CricCrazyNIKS) October 2, 2022