गुवाहाटी – कर्णधार दासुन शनाकाने फटकावलेल्या जिद्दी शतकानंतरही श्रीलंकेला यजमान भारतीय संघाविरुद्धच्या पहिल्या एकदिवसीय सामन्यात 67 धावांनी पराभव स्वीकारावा लागला. या विजयाच्या जोरावर भारतीय संघाने तीन सामन्यांच्या या मालिकेत विजयी सलामी देताना 1-0 अशी आघाडी घेतली.
बीसीसीआयसमोर संकट! प्रयोजकत्वासाठी स्टारने मागितली तब्बल 130 कोटींची सवलत तर बायजूने…
भारताने विजयासाठी दिलेल्या 374 धावांच्या आव्हानासमोर श्रीलंकेचा डाव 50 षटकांत 8 बाद 306 असा रोखला गेला. श्रीलंकेच्या डावाची सुरुवातच निराशाजनक झाली. सलामीवीर अविष्का फर्नांडो 5 तर, कुशल मेंडीस 0 हे लवकर बाद झाले. त्यानंतर अन्य सलामीवीर पाथुम निसांकाला साथ देत चरिथा असालंकाने डाव सावरण्याचा प्रयत्न केला. मात्र, तो 23 धावांवर बाद झाला.
Virat Kohli | आर अश्विनने विराटबद्दल केलेली भविष्यवाणी खरी ठरली; ट्विट झाले तुफान व्हायरल!
निसांकाने अर्धशतक पूर्ण केले. त्याला साथ देताना धनंजय डीसील्व्हाने 47 धावांची खेळी केली. मात्र, स्थिरावलेला असतानाही त्याला अर्धशतकाने हुलकावणी दिली. कर्णधार शनाकाने पहिल्या चेंडूपासूनच आक्रमक धोरण अवलंबले. या जोडीने संघाचे दीडशतक फलकावर लावले. निसांकाला उमरान मलिकने तंबूचा रस्ता दाखवला. त्याने 72 धावांची खेळी केली.
सामन्याची सुत्रे शनाकाने आपल्या हाती घेत वनिंदू हसरंगाच्या साथीत डाव सावरण्याचा प्रयत्न केला. हसरंगा 16 धावांवर बाद झाल्यावर दुनित वेलागेनेही निराशा केली. चामिका करुणारत्नेने थोडी चमक दाखवली. दुसरीकडे शनाकाने अखेरपर्यंत नाबाद राहताना विजयासाठी निकराचे प्रयत्न केले. शनाकाने आपल्या 108 धावांच्या खेळीत 88 चेंडूत 12 चौकार व 3 षटकारांची आतषबाजी केली. कासुन रजिताने नाबाद 9 धावा केल्या. भारताकडून उमरान मलिकने 3 तर, महंमद सिराजने 2 गडी बाद केले.
