विद्यार्थ्यांना निर्घृण मारहाण करत असल्याचचे चित्रण
नवी दिल्ली : जामिया मिलिया इस्लामिया विद्यापीठाशी संबंधित तिसरा व्हिडिओ सोमवारी सोशल मिडियात झळकला आहे. त्यात दिल्ली पोलिस आणि निमलष्करी दलाचे जवान विद्यार्थ्यांना झोडपताना दिसत आहेत. विद्यापीठाच्या ग्रंथालयातील वाचन कक्षातील हा व्हिडिओ आहे.
VIDEO- This CCTV ftg shows what happened inside #JamiaMilliaIslamia Old library on the 15th of Dec.
Police beating up unarmed studentsIn Dec 2019, We’ve reported on student testimonies, shown videos shot by them which narrated this
But this CCTV ftg is clear,speaks for itself pic.twitter.com/ImVJDrWYv8
— Zeba Warsi (@Zebaism) February 16, 2020
हा व्हिडिओ मक्तीन मिडियाने प्रकाशित केला आहे. त्यात अनेक विद्यार्थी जुन्या वाचन कक्षात येत असताना दिसत आहेत. ते टेबल पकडून अभ्यासास सुरवात करतात. तेवढ्यात पोलिस तेथे येतात. पोलिस आणि निमलष्करी दलाचे जवान आरडा ओरड करत घुसतात, असेही या चित्रीकरणात दिसत आहे.
पोलिस टेबल मागील मुलांना ओढत आहेत. त्यांना काठीने झोडपत असल्याचे चित्रण त्यात आहे. घाबरलेलेल विद्यार्थी हात जोडत बाहेर पळण्याच्या तयारीत आहेत. तर पोलिस त्यांना निर्घृणपणे मारहाण करत आहेत. सुरवातीच्या पहिल्या व्हिडिओत पोलिस दार फोडून आत घुसताना दिसत आहेत.
यापुर्वी रविवारी जामिया समन्वय समितीने एक व्हिडिओ प्रसारीत केला होता. त्यात निमलष्करी दले आणि पोलिस विद्यार्थ्यांना बेदरकार पध्दतीने झोडपत असल्याचे चित्रण होते. नव्या व्हिडिओमुळे दिल्ली पोलिस आणि केंद्रीय गृह खाते पुन्हा एकदा टीकेच्या भोवऱ्यात सापडले आहे.