नवी दिल्ली : कर्मचारी भविष्य निर्वाह संस्थेने आपल्या खातेधारकांसाठी नियमांत काही महत्वाचे बदल केले आहेत. जर तुमचेही epfoचे खाते असेल तर हा बदल समजून घेणे तुमच्यासाठी महत्वाचे आहे. हा नियम उद्या म्हणजेच १ जूनपासून लागू होणार आहे.
कर्मचारी भविष्य निर्वाह संस्थेच्या नव्या नियमानुसार प्रत्येक खातेधारकाचे पीफ खाते आधारसोबत लिंक असणे गरजेचे आहे. आपल्या कर्मचाऱ्यांनी पीएफ खाते आधारच्या मार्फत लिंक करावे यासाठी त्यांना माहिती देण्याची जबाबदारी कंपनीकडे असेल.
जर कर्मचाऱ्याने असे केले नाही तर त्याला नुकसान सहन करावे लागण्याची शक्यता आहे. जसं की कंपनीकडून पीएफ खात्यात दिले जाणारे योगदान थांबवले जाऊ शकते. कर्मचारी भविष्य निर्वाह संस्थेने यासंबंधी परिपत्रक प्रसिद्ध केले आहे.
सोशल सेक्युरिटी कोड २०२० च्या कलम १४२ अंतर्गत कर्मचारी भविष्य निर्वाह संस्थेकडून नवे नियम लागू करण्यात आले आहेत. ज्यामध्ये स्पष्टपणे जर एखादे पीएफ खातं आधारसोबत लिंक नसेल तर त्याचा ECR – इलेक्ट्रॉनिक चलान कम रिटर्न भरला जाणार नाही. याचा अर्थ असा की, पीएफ खातेधारकाला कंपनीचा भाग मिळणार नाही. खात्यामध्ये कर्मचाऱ्यांना फक्त आपल्याकडून होणारं योगदानच दिसेल.
* असे करा EPF अकाऊंट आधारशी लिंक….
जर तुम्ही अद्यापही आपलं पीएफ खातं आधारसोबत लिंक केलं नसेल तर EPFO च्या अधिकृत वेबसाईटवर जाऊन सर्वात प्रथम आधारसोबत लिंक करा आणि UAN देखील आधार व्हेरिफाईड करुन घ्या. यामुळे आपल्या खात्यात आधीप्रमाणे पीएफ योगदान कोणत्याही अडथळ्याविना सुरु राहील.
- सर्वात प्रथम EPFO ची वेबसाईट www.epfindia.gov.in वर लॉग इन करा.
- यानंतर Online Services वर जाऊन e-KYC Portal आणि नंतर link UAN aadhar वर क्लिक करा.
- तुम्हाला तुमचा UAN क्रमांक आणि UAN अकाऊंटवरुन रजिस्टर मोबाइल नंबर अपलोड करायचा आहे.
- तुमच्या मोबाइल नंबरवर OTP क्रमांक येईल.
- आधारच्या बॉक्समध्ये आपला १२ डिजिट आधार क्रमांक भरा आणि सबमिट करा.
- यानंतर Proceed to OTP verification पर्याय येईल त्यावर क्लिक करा.
- यानंतर आधारची माहिती पडताळण्यासाठी आधारशी जोडला असलेला मोबाइल क्रमांक किंवा मेलवर ओटीपी जनरेट करावा लागेल.
- पडताळणी केल्यानंतर तुमचं आधार पीएफ खात्यासोबत लिंक होईल.