IAS Tukaram Mundhe : राज्य प्रशासनात पुन्हा एकदा मोठे फेरबदल करण्यात आले असून डॅशिंग आणि शिस्तप्रिय अधिकारी म्हणून ओळख असलेले तुकाराम मुंढे यांची अवघ्या ४५ दिवसांत पुन्हा बदली करण्यात आली आहे. त्यांच्या नव्या नियुक्तीमुळे प्रशासकीय वर्तुळात जोरदार चर्चा सुरू झाली आहे. (IAS Tukaram Mundhe) मिळालेल्या माहितीनुसार, तुकाराम मुंढे यांची आता अन्न व औषध प्रशासन विभागाच्या आयुक्तपदी नियुक्ती करण्यात आली आहे. विशेष म्हणजे काही दिवसांपूर्वीच त्यांची मंत्रालयातील आपत्ती व्यवस्थापन, मदत व पुनर्वसन तसेच महसूल आणि वन विभागाच्या प्रधान सचिवपदी नियुक्ती करण्यात आली होती. (IAS Tukaram Mundhe) ४५ दिवसांत बदलीची चर्चा मुंढे यांची या पदावर अवघ्या दीड महिन्यांपूर्वी नियुक्ती झाली होती. सामान्यतः अशा पदांवर अधिकाऱ्यांचा कार्यकाळ तीन वर्षांचा अपेक्षित असतो. मात्र केवळ ४५ दिवसांतच त्यांची बदली झाल्याने प्रशासनातील या निर्णयाबाबत विविध चर्चांना उधाण आले आहे. (IAS Tukaram Mundhe) २१ वर्षांत २५ वेळा बदली २००५ बॅचचे आयएएस अधिकारी असलेल्या तुकाराम मुंढे यांची गेल्या २१ वर्षांच्या सेवाकाळात तब्बल २५ वेळा बदली झाली आहे. कठोर शिस्त, पारदर्शक कारभार आणि थेट निर्णयक्षमतेमुळे त्यांची राज्यभर वेगळी ओळख निर्माण झाली आहे. (IAS Tukaram Mundhe) कार्यशैलीमुळे कायम चर्चेत तुकाराम मुंढे यांच्या कामकाजाच्या पद्धतीमुळे सर्वसामान्य नागरिकांमध्ये त्यांची सकारात्मक प्रतिमा आहे. कार्यालयीन शिस्त राखणे, कर्मचाऱ्यांवर नियंत्रण ठेवणे आणि राजकीय हस्तक्षेपाला बळी न पडता निर्णय घेणे, ही त्यांची कार्यशैली मानली जाते. याच कारणामुळे ते अनेकदा सत्ताधाऱ्यांच्या पसंतीस उतरतात नाहीत, अशीही चर्चा राजकीय आणि प्रशासकीय वर्तुळात होत असते. दरम्यान, शासनाने त्यांना तातडीने नवीन पदाचा कार्यभार स्वीकारण्याच्या सूचना दिल्याची माहिती समोर आली आहे. (IAS Tukaram Mundhe)