मुंबई : विधानसभेचे विरोधी पक्षनेते देवेंद्र फडणवीस यांच्या हस्ते बेलापुरमध्ये महिला मासळी विक्रेत्यांना परवाना वाटप कार्यक्रमाचा शुभारंभ झाला. यावेळी बोलतांना अजब वक्तव्य केले आहे. देवेंद्र फडणवीस मला आजही मुख्यमंत्री असल्याचे वाटत असल्याचे म्हणाले.
“आपल्या संपुर्ण भगिणींना चांगल्या प्रकारच वातावरण मिळावं. चांगल्या प्रकारच्या सोयी मिळाव्या, यासाठी अनेक योजना आपल्या काळामध्ये आपण राबवल्या. आणि आज मला विश्वास आज (भाजप आमदार मंदा म्हात्रे) ताईंच्या कामामुळे मोठा फायदा महिलांना होईल. नवी मुंबईमध्ये गणेश नाईक असतील किंवा ताई असतील यांच्या माध्यमातून ज्या प्रकारे या शहराचा विकास झाला.
Live | महिला मासळी विक्रेता परवाना वितरण समारंभ | नवी मुंबई @mandamhatre https://t.co/fkMGgkAI3U
— Devendra Fadnavis (@Dev_Fadnavis) October 12, 2021
देशातलं सगळ्यात स्वच्छ शहर, वेगवेगळ्या स्पर्धांमध्ये हे शहर नेहमी अग्रेसर राहील आहे. त्यामुळे येणाऱ्या निवडणुकीत जनतेचा आशिर्वाद पुन्हा मिळेल. नवी मुंबईची सेवा करण्याकरीता आमच्या नेत्यांच्या नेतृत्वामध्ये आपली सेवा करण्यासाठी येईल.”, असा विश्वास देवेंद्र फडणवीस यांनी व्यक्त केला.
“गणेश नाईक असतील, तुम्ही (भाजप आमदार मंदा म्हात्रे) असाल, पाटील साहेब असतील यामुळे मला एकही दिवस जाणवलं नाही मी मुख्यमंत्री नाही. मला असं वाटतं मी आजही मुख्यमंत्री आहे. तुम्ही मला त्याची कमतरता जाणवू दिली नाही. मनुष्य कुठल्या पदावर आहे हे महत्वाचं नाही तो काय करतो हे महत्वाचं आहे. गेले दोन वर्ष घरात एकही दिवस न थांबता मी जनतेच्या सेवेमध्ये आहे. त्यामुळे मला कधी जनतेने हे जाणवू दिलं नाही. की आता मी मुख्यमंत्री नाही आहे. विरोधी पक्षनेते म्हणून मी उत्तम काम करत आहे” असे देवेंद्र फडणवीस म्हणाले.