मी क्रिकेट खेळत नाही, पण नियोजन करतो

शरद पवार यांच्याकडून नितीन गडकरींने टोला

नागपूर – केंद्रीय मंत्री नितीन गडकरी यांनी राज्यातल्या सद्यस्थितीवरून “राजकारणात आणि क्रिकेटमध्ये काहीही होऊ शकते’ असे वक्‍तव्य केले होते. या वक्‍तव्याला राष्ट्रवादीचे सर्वेसर्वा शरद पवार यांनी सडेतोड उत्तर दिले आहे. “मी क्रिकेट खेळत नाही, पण नियोजन करतो’ असे म्हणत गडकरींना अप्रत्यक्ष टोला लगाविला.

नागपूरमध्ये आयोजित करण्यात आलेल्या पत्रकार परिषदेत ते बोलत होते. शरद पवार म्हणाले, राज्यातील एकसूत्री कार्यक्रम ठरवण्यावर सध्या चर्चा सुरू आहेत. सध्या फॉर्म्युलावरही चर्चा सुरू असून ती प्राथमिक टप्प्यात आहे. ज्यावेळी त्यावर काही ठोस निर्णय होईल, त्यावेळी फॉर्म्युला सर्वासमोर उघड केला जाईलत्र

ज्याची मुख्यमंत्रिपदाची मागणी आहे, त्यावर विचार झाला पाहिजे. स्थिर सरकार यावं ही आमची सर्वांची इच्छा आहे. राज्यात मध्यवर्ती निवडणुका होणार नाहीत. राज्यात स्थिर सरकारच स्थापन होईल. हे सरकार पाच वर्षे चालेल, यासाठी आम्ही प्रयत्नशील राहू, असेही त्यांनी नमूद केले.

यावेळी त्यांनी काळजीवाहू मुख्यमंत्री देवेंद्र फडणवीस यांना “मी पुन्हा येणार…’ असे म्हणत टोला लगावला. गेल्या काही वर्षांपासून मी फडणवीसांना ओळखतो. पण ते ज्योतिषशास्त्राचे विद्यार्थी आहेत, हे मला आत्ताच कळले. राज्यातील जनतेने आज कोणालाही पूर्ण बहुमत दिले असते, तर आज चर्चा करण्याची वेळच आली नसती, असेही त्यांनी नमूद केले.

Ads

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)