मुंबई – शाहरुख खानच्या पठाणने आजवरच्या अनेक सिनेमांचे रेकॉर्ड मोडत छप्पर फाड कमाईला सुरुवात केली. पठाण सध्या कमाईच्या बाबतीत पाचशे कोटींच्या घरात जाऊन पोहचला आहे. पठाणचा पोस्टर प्रदर्शित झाल्यानंतर बॉयकॉटचा ट्रेंड सुरु झाला होता आणि पठाणला सोशल मीडियावर अनेकांनी विरोध दर्शवला होता. मात्र सर्वसामान्य प्रेक्षकांना पठाण सिनेमा आवडल्याने सुपरहिट झाला. पठाणच्या या यशानंतर शाहरुख खानच्या मन्नत बंगल्याबाहेर चाहत्यांची मोठी गर्दी झाली होती. याचा एक व्हिडीओ सध्या सोशल मीडियावर तुफान व्हायरल होतोय.
वांद्रे येथील शाहरुखच्या मन्नत या बंगल्याबाहेर चाहत्यांनी रविवारी मोठी गर्दी केली होती. पठाण चित्रपटाच्या यशामुळे सर्व चाहते खुश होऊन एसआरकेच्या घराबाहेर जमा झाले होते. मग शाहरूखने देखील चाहत्यांचा मान ठेवला आणि तो घराबाहेर आला. घराबाहेर जमलेल्या गर्दीला पाहून त्याने प्रथम सर्वांचे आभार मनात हात जोडले. शाहरुखला पाहून चाहत्यांनी एकच गोंधळ सुरु केला. शाहरुखने घराच्या गॅलरीमध्ये उभी राहून चाहत्यांना हात करत फ्लॅईंग किस दिल्याचे देखील व्हिडीओमध्ये दिसून येते.
सहसा शाहरुखच्या घराबाहेर चाहते एवढी मोठी गर्दी केवळ त्याच्या जन्म दिनानिमित्त करताना दिसून येतात. परंतु यावेळी पठाणच्या यशामुळे शाहरुख फॅन्समध्ये मोठा उत्साह पाहायला मिळाला. घराबाहेर हा व्हिडीओ शेअर करत शाहरुखने भन्नाट कॅप्शन दिले आहे. “पठाणच्या घरी पाहुण्यांचा पाहुणचार…मला इतकं प्रेम दिल्याबद्दल आणि संडे स्पेशल केल्याबद्दल चाहत्यांचे धन्यवाद” असं किंग खानने आपल्या पोस्टमध्ये म्हंटले आहे.
View this post on Instagram
पठाणनं आतापर्यंत जगभरातून 550 कोटींची कमाई केल्याचे सांगण्यात आले आहे. रविवारी पठाणनं देशभरातून 80 कोटींची कमाई केली होती. सध्या देशात सुरु असणाऱ्या पठाण फिव्हरनं ट्रोलर्सची झोप उडवली असून, कमाईच्या आकड्यानं त्यांना सणसणीत उत्तर दिलं आहे.
