अशा प्रकारे सुरक्षित ठेवा पीडीएफ व स्कॅन डॉक्युमेंटमधील गोपनीय माहिती

अनधिकृत अ‍ॅक्सेसपासून डॉक्युमेंटचे संरक्षण करा

तुम्हाला तुमच्या व्यवसायामध्ये कदाचित अनेकदा गोपनीय माहिती असलेल्या डॉक्युमेंट्ससह व्यवहार करावा लागत असेल. अशा प्रकाराचे डॉक्युमेंट्स शेअर करताना डॉक्युमेंट्समधील माहितीची योग्यप्रकारे काळजी घेण्याची जबाबदारी तुमच्यावरच असते. तिस-या व्यक्तीसोबत (थर्ड पार्टी) डॉक्युमेंट्स शेअर करताना विविध प्रकारे व पातळीवर सुरक्षितता बाळगावी लागते आणि ही सुरक्षितता डॉक्युमेंटसाठी आवश्यक असू शकते. उदाहरणार्थ फक्त अधिकृत रिडर्स डॉक्युमेंट उघडू शकतात किंवा काही वैयक्तिक माहिती गोपनीय ठेवली जाऊ शकते. तुम्ही तुमच्या पीडीएफचे संरक्षण कशाप्रकारे करू शकता, त्याचे विविध मार्ग आहेत :

अनधिकृत अ‍ॅक्सेसपासून डॉक्युमेंटचे संरक्षण करा
फक्त अधिकृत व्यक्तींसाठीच उपलब्ध असलेल्या डॉक्युमेंट्सचे पासवर्डसह संरक्षण करता येऊ शकते. यामुळे इतर कोणतीही व्यक्ती डॉक्युमेंट उघडू शकत नाही आणि त्यामधील कन्टेन्ट वाचू शकत नाही. गोपनीय माहिती सुरक्षित ठेवा. ही माहिती फक्त पासवर्ड असलेली व्यक्तीच पाहू शकते.

डॉक्युमेंटसंदर्भातील कृतींवर बंधने ठेवा
काही केसेसमध्ये डॉक्युमेंटमधील कन्टेन्ट अनेक लोक पाहू शकतील, पण डॉक्युमेंटच्या वापरासंदर्भात काही निर्बंध आवश्यक आहेत. निर्बंध किंवा परमिशन पासवर्ड ठेवल्याने डॉक्युमेंटच्या प्रिटिंगला प्रतिबंध होतो किंवा कमी रिझोल्युशनमधील प्रिटिंगवर निर्बंध राखले जाते. तसेच डॉक्युमेंटच्या कोणत्याही प्रकाराच्या संपादनावर देखील प्रतिबंध ठेवता येतो किंवा अर्जातील रकाने भरा. कमेंट्स करण्याची सुविधा अशा विशिष्ट संपादनांना मंजुरी देता येऊ शकते. याबाबतील अनेक संभाव्य पर्याय उपलब्ध आहेत. पासवर्ड ठेवल्याने युजर्स डॉक्युमेंटमधील टेक्स्ट व इमेजेस अशा प्रकाराचे कन्टेन्ट वेगळे करू शकतात की नाही आणि स्क्रिन रीडिंग सॉफ्टवेअरची इमेजमधील टेक्स्ट वाचण्यास मंजुरी आहे की नाही याबाबत निर्बंध ठेवण्यासही मदत होते.

डॉक्युमेंटची सत्यता व विश्वसनीयतेची तपासणी करा
आजकाल संपादने किंवा पीडीएफ डॉक्यमेंट्समध्ये बदल करणारे अनेक सॉफ्टवेअर टूल्स बाजारपेठांमध्ये उपलब्ध आहेत. याचा अर्थ असा की इतरांसोबत पीडीएफ डॉक्युमेंट्स शेअर केल्यानंतर अंतिम प्राप्तकर्त्यांला कधीच खात्री नसेल की त्याला/तिला मिळालेल्या डॉक्युमेंटमध्ये बदल करण्यात आलेला नाही. व्यक्तीने डॉक्युमेंटवर स्वाक्षरी केली असल्याच्या सतत्येची खात्री करण्यासाठी आणि डॉक्युमेंटची सत्यता तपासण्यासाठी डिजिटल स्वाक्षरीचा उपयोग करता येऊ शकतो. डिजिटल स्वाक्ष-या प्रमाणपत्रांवर आधारित असतात. या प्रमाणपत्रांमध्ये स्वाक्षरीबाबत तसेच स्वाक्षरी केल्यानंतर इलेक्ट्रॉनिक डॉक्युमेंटमध्ये बदल करण्यात आले होते की नाही किंवा डिजिटली स्वाक्षरी केल्यानंतर डॉक्युमेंटमध्ये कोणतेही बदल करण्यात आले होते की नाही याबाबत माहिती असते.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

Leave A Reply

Your email address will not be published.