Horoscope | आजचे भविष्य (गुरुवार : 15 एप्रिल 2021)

Daily Horoscope | आजचे राशिभविष्य ।

मेष तुमचा उत्साह द्विगुणीत करणारी चांगली घटना घडेल. व्यवसायात मनाप्रमाणे कामे होतील. पूर्वी केलेल्या कामाचे श्रेय आर्थिक स्वरुपात मिळेल. नवीन कामे ओळखीतून मिळतील. नोकरीत कामात तत्पर रहाल. वरिष्ठ व सहकारी मदत करतील. जादा सवलती व भत्ते मिळतील. महिलांनी आवडत्या छंदात मन रमवावे. कुटुंबासमवेत छोटा प्रवास घडेल. गृहसौख्य आनंद उपभोगाल.

वृषभ
कामाचे वेळी काम इतर वेळी आराम असा पवित्रा राहील. व्यवसायात रेंगाळलेली कामे मार्गी लावाल. जुनी येणी वसुल होतील. कामानिमित्ताने नवीन हितसंबंध जोडले जातील. प्रवास घडेल. नोकरीत कामाचा मनस्वी कंटाळा येईल. महत्वाची कामे स्वतः करुन इतर कामे सहकाऱ्यांवर सोपवाल. महिलांना बाहेरची कामे करण्यात रस वाटेल. घरात नातेवाईक पाहुण्यांची ये-जा राहील. खर्चाचे प्रमाण वाढेल. विद्यार्थ्यांची अभ्यासात प्रगती होईल. नोकरदार महिलांना सुसंधी मिळेल.

मिथुन
व्यवसायात प्रगतीचा आलेख चढता राहील. आर्थिक परिस्थितीही समाधानकारक राहील. नवीन कामे दृष्टीक्षेपात येतील. बदल करुन कामाचा विस्तार वाढवाल. नोकरीत महत्वाचे करारमदार होतील. वरिष्ठ महत्वाच्या कामाची जबाबदारी तुमचेवर सोपवतील. त्यासाठी जादा अधिकार व सवलती देतील. जोडधंद्यातून विशेष लाभ होईल. महिलांना कौटुंबिक स्वास्थ्य लाभेल. मुलांकडून चांगली बातमी कळेल. तरुणांना मनपसंत जीवनसाथी भेटेल.

कर्क
भावनेपेक्षा कर्तव्याला प्राधान्य दयाल. व्यवसायात व्यवहारी दृष्टीकोन ठेवून कामे मार्गी लावाल. कामात महत्वाचे निर्णय घ्यावे लागतील. पैशाची तजवीज हितचिंतकांच्या मदतीने होईल. नोकरीत तुमच्या वागण्या बोलण्याने इतरांचे गैरसमज होणार नाहीत याची काळजी घ्या. कामातील बेत गुप्त ठेवा. अतिस्पष्टवक्तेपणा टाळा. उधार उसनवार देऊ नका. महिलांनी थोडे सबुरीचे धोरण ठेवावे. झेपेल तेवढेच काम करावे. प्रकृतीची काळजी घ्यावी. नोकरदार महिलांनी खर्चावर नियंत्रण ठेवावे. सलोख्याचे संबंध ठेवावेत.

सिंह
नशिबांची साथ राहील. व्यवसायात मनातील बेत प्रत्यक्षात साकार होतील. नवीन कामे मिळतील. अर्धवट कामे गती घेतील. पैशाची चिंता मिटेल. नोकरीतकमी श्रमात जास्त यश मिळेल. हातून चांगली कामगिरी केल्याचा आनंद मिळेल. परदेशव्यवहार-परदेशमगनाच्या कामांना गती येईल. महिलांना मनाप्रमाणे खर्च करता येईल. आवडत्या छंदात वेळ मजेत जाईल. कुटुंबासमवेत प्रवासाचे योगही येतील. सुवार्ता कळेल. विद्यार्थ्यांना यशदायक ग्रहमान. आरोग्य चांगले राहील.

कन्या
मानमरातब व प्रतिष्ठा मिळेल. सामाजिक कामात विशेष सहभागी व्हाल. व्यवसायात माणसांची पारख खुबीने करुन कामात उपयोग करुन घ्याल. आर्थिक बाजू भक्‍कम राहील. स्पर्धेत टिकून राहण्यासाठी लवचिक धोरण अवलंबाल. नोकरीत कोणाकडून कुठलीही अपेक्षा करु नका. वरिष्ठांकडून कामाचे कौतुक होईल. जादा कामातून जादा पैसे मिळतील. “”महिलांनी दिसते तसे नसते” हे लक्षात ठेवावे. समाधानी राहून वेळेचा सदुपयोग करावा.

तूळ
व्यवसायात स्पर्धेत टिकून राहण्यासाठी कामात आवश्‍यक ते बदल कराल. तुमची महत्वाकांक्षा जागृत झाल्याने हातून निसटलेली संधी पुन्हा मिळवाल. गैरसमज झाले असल्यास सामोपचाराने मिटवाल. नोकरीत कामाचा दर्जा उंचावेल. कमी श्रमात जास्त फायदा मिळेल. जोडधंदयातून विशेष लाभ होतील. नवीन ओळखी होतील. महिलांना सामाजिक क्षेत्रात मान मिळेल. सर्वांशी सलोख्याचे संबंध राहतील. कला, क्रिडा क्षेत्रात प्रसिद्धी मिळेल. तरूणांना नवीन व्यक्तिंचे आकर्षण वाटेल. आरोग्य उत्तम राहील.

वृश्‍चिक
तुमच्या मनातील इच्छा आकांक्षा प्रत्यक्षात साकार होतील. अनपेक्षित कामे मार्गी लागतील. व्यवसायात कामाला हुरूप येईल. पैशाची चिंता मिटेल. ओळखीचा उपयोग होईल. नोकरीत महत्वाच्या कामासाठी तुमची निवड होईल. त्यासाठी वरिष्ठ जादा भत्ते व सवलतीही देतील. बदलीच्या प्रयत्नांना यश मिळेल. घरात महिलांना वातावरण आनंदाचे असेल. आवडते छंद जोपासता येतील. नोकरदार महिलांना प्रवास घडेल. पण त्यामुळे ताजेतवाने वाटेल. सुवार्ता कळेल.

धनू
तुमच्यातील धाडसी वृत्ती जागृत होईल. व्यवसायात महत्वाचे निर्णय घ्याल. कामात सक्रीय पुढाकार राहील. अर्धवट कामे मार्गी लावाल. नवीन कामे हाती घ्याल. कामाचा वेग वाढेल. नोकरीत वरिष्ठांना व सहकाऱ्यांना तुमचे महत्व कळून येईल. बेकारांना नोकरी मिळेल. कामात मात्र गुप्तता राखा. कुवत ओळखून कामे स्विकारा. महिलांना मोठयांची मते पटणार नाहीत तरी वाद घालू नये. रागांवर नियंत्रण ठेवावे. विद्‌यार्थ्यांनी एकाग्रता वाढवावी. यश हमखास मिळेल.

मकर
जमा खर्चाचे बजेट कोलमडेल. अनपेक्षित खर्च वाढतील. व्यवसायात कामात विस्तार करण्याचे बेत ठरतील. त्यासाठी आवश्‍यक ते बदल कराल. खेळत्या भांडवलाची तरतूद बॅंका व इतर संस्थांमार्फत होईल. आज रोख व उदयाही रोखच हे धोरण विशेष लाभदायी ठरेल. नोकरीत वरिष्ठांचा मूड पाहून तुमच्या मागण्या मांडाल. अचानक धनलाभाची शक्‍यता. केलेल्या कामाचे श्रेय मिळेल. महिलांना जुन्या वादाच्या प्रश्‍नांना तोंड दयावे लागेल. रेंगाळलेली कामे धसास लागतील. कुटुंबासमवेत छोटी सहल काढाल.

कुंभ
कामात आलेली मरगळ झटकून मोठया उत्साहाने कामाला लागाल. नवीन कामे मिळतील. कामाचा वेग वाढल्याने आवश्‍यक ते बदल कराल. तुमची चिकाटी कामात दिसून येईल. आर्थिक स्थिती चांगली राहील. नोकरीत सहकारी कामात मदत करतील. सकारात्मक दृष्टीकोन लाभदायी ठरेल. बदलीसाठी सुसंधी चालून येईल. कामात रस वाटेल. महिलांना अंगी असलेले कलागुण दाखवता येतील. मनाप्रमाणे कामे झाल्याने आनंद मिळेल. प्रवास घडेल. कौटुंबिक स्वास्थ्य उपभोगाल. दानधर्म हातून घडेल.

मीन
अनुकुल घटनांची नांदी होईल. यश नजरेच्या टप्प्यात आल्याने आनंद द्विगुणीत होईल. व्यवसायात उलाढाल वाढेल. पैशाची स्थिती समाधानकारक राहील. जुनी येणी वसुल होतील. नवीन कामे मिळतील. नोकरीत कामाचा आनंद मिळेल. नवीन कामाची संधी मिळेल. अपेक्षित पत्रव्यवहार होतील. जादा कामाची तयारी असेल तर वरकमाई करता येईल. महिलांचा घर सजावट व दुरुस्ती यात बराच वेळ जाईल. मुलांच्या प्रगती व प्रकृतीकडे विशेष जागरुक रहावे लागेल. तब्येतीचीही काळजी घ्या.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

You might also like

Leave A Reply

Your email address will not be published.