ग्लासगो : जगभरात ‘पोलादी स्ञी’ ( आयरन लेडी) अशी ओळख असलेली हंगेरीची कॅटिन्का होसझू हिने वयाच्या ३० व्या वर्षी अभूतपूर्व अशी कामगिरी केली आहे. होसझू हिने युरोपियन शाॅर्ट कोर्स अंजिक्यपद जलतरण स्पर्धेत सुवर्णपदक पटकावले आहे.
होसझूने ४०० मी. मिडलेत (जलतरण स्पर्धा) ४ मिनिटे २५.१० सेंकद वेळ नोंदवत सुवर्णविजेती कामगिरी केली. या सुवर्णपदकासह तिने आपल्या ६० व्या आंतरराष्ट्रीय सुवर्णपदकाची नोंद केली असून तिची आंतरराष्ट्रीय पदकांची एकूण संख्या ९० वर पोहचली आहे.
Natation/Euro-2019 en petit bassin: la Hongroise Katinka Hosszu s’est offert sa 90e médaille internationale, sa 60e en or, en remportant le 400 m 4 nages au premier jour des Championnats d’Europe de natation en petit bassin, mercredi à Glasgow #AFP pic.twitter.com/jQD5pFSSPh
— AFP Sports (@AFPSport) December 4, 2019
टोकियो आॅलिंपिकसाठी विना प्रशिक्षक तयारी करत असलेल्या कॅटिन्का होसझूने आपले पहिले पदक १५ वर्षापूर्वी (साल २००४ मध्ये) विएना मध्ये जिंकले होते. होसझूच्या खात्यातील ६० सुवर्णपदकांत ३ आॅलिंपिक सुवर्ण, २६ जागतिक सुवर्ण आणि ३१ युरोपियन सुवर्णपदकांचा समावेश आहे.