लोक आपला उदरनिर्वाह करण्यासाठी काम करतात. काहीजण नोकरी करतात, काही व्यवसाय करतात जेणेकरून त्यांना पैशाची अडचण येऊ नये. लोक त्यांच्या कमाईतून काही पैसे खर्च करतात, तर दुसरीकडे ते हे पैसे त्यांच्या भविष्यासाठीही सुरक्षित ठेवतात. हे उरलेले पैसे बरेचजण बँक खात्यात ठेवतात, परंतु याशिवाय अशा अनेक गोष्टी आहेत जिथे लोक पैसे सुरक्षित ठेवतात. जसे- दागिने, मौल्यवान वस्तू आणि मालमत्तेची कागदपत्रे इ. साधारणतः अशी कागदपत्रे किंवा ऐवज घरात ठेवणे असुरक्षित ठरू शकते. म्हणून बँकेची मदतघेतली जाते. म्हणजेच बहुतेकवेळा लोक लॉकरची सुविधा वापरतात. पण जर तुम्ही पहिल्यांदाच लॉकरची सुविधा घेणार असाल तर त्याआधी तुम्हाला काही गोष्टी माहीत करून घेणे गरजेचे आहे. जेणेकरून नंतर कोणतीही अडचण येणार नाही. चला तर मग आम्ही तुम्हाला सांगत आहोत की बँकेत लॉकरची सुविधा घेण्यापूर्वी कोणत्या गोष्टी जाणून घेतल्या पाहिजेत?
० लॉकर कोण घेऊ शकेल?
बँक आपल्या ग्राहकांना लॉकर सुविधा पुरवते. त्याचबरोबर RBI चे नियम पाळले तर कोणताही ग्राहक बँकेत खाते न उघडताही लॉकरची सुविधा घेऊ शकतो. परंतु अनेक बँका लोकांना लॉकर भाड्याचे सुरक्षा शुल्क आणि इतर शुल्क सांगून त्रास देण्याचे काम करतात आणि बँकेत खाते उघडल्याशिवाय लॉकर देण्यासही नकार देतात.
० काय आहे नियम?
नियमांनुसार, जर तुम्हाला बँकेत लॉकर घ्यायचे असेल तर त्यासाठी तुमचे वय १८ वर्षे असावे.
भाडे करार करून तुम्ही बँकेत लॉकर मिळवू शकता.
त्याच वेळी, लॉकरच्या आकारानुसार त्याचे भाडे भरावे लागेल.
० कसे बंद करावे?
जर तुम्ही बँकेत लॉकरची सुविधा घेत असाल तर त्यात नॉमिनी करणे आवश्यक आहे. जर ग्राहकाचा कोणत्याही कारणाने मृत्यू झाला, तर एखाद्या प्रक्रियेनंतर लॉकरची जबाबदारी नॉमिनीवर दिली जाते. याशिवाय, जर तुम्हाला कधी लॉकर लॉक करायचे असेल, तर त्यासाठी तुम्हाला लॉकर रिकामे करावे लागेल, पूर्ण भाडे द्यावे लागेल, लॉकरची चावी बँकेकडे द्यावी लागेल आणि मग तुम्ही ते लॉक करू शकता.
० लॉकर किती सुरक्षित आहे?
लॉकरच्या सुरक्षिततेबद्दल बोलायचे झाले तर ते बँकेइतकेच सुरक्षित आहे. मात्र बँक लुटण्याच्या घटनेत तुमचे लॉकर सुरक्षित असू शकत नाही. पण घरापेक्षा बँकेतील लॉकर जास्त सुरक्षित आहे.
० ही गोष्ट लक्षात ठेवा :-
बँक लॉकरमध्ये दोन चाव्या असतात, एक ग्राहकाकडे आणि एक बँकेकडे.
ग्राहकाची चावी हरवल्यास, दंडानंतर बँक त्याला चावी देते.
साधारणपणे बँक ग्राहकांचे लॉकर उघडत नाही, परंतु उच्च जोखीम (हाय रिस्क) असलेले लॉकर वर्षभर चालवले जात नाहीत. त्यामुळे अशा परिस्थितीत बँक ग्राहकांना नोटीस पाठवून लॉकरचे कुलूप तोडू शकते आणि ग्राहकाकडून नुकसान भरपाई घेऊ शकते.
