फिटनेसवाली कतरिनाला मायकेल फेल्पकडून गाईडन्स
बॉलीवूड अभिनेत्री कतरिना कैफ ही फिटनेससाठी किती वेडी आहे हे तर साऱ्यांनाच माहीत आहे. ती आपल्या व्यग्र वेळापत्रकातून वेळात वेळ काढून व्यायाम करते. आलिया भट्ट, जॅकलिन फर्नांडिस, सोनाक्षी सिन्हा यांच्यासोबत जिममध्ये घाम गाळतानाचे अनेक फोटो आणि व्हिडिओ सोशल मीडियावर शेअर झाले आहेत. तिच्या इन्स्टाग्राम अकाउंटवरही तिचे व्यायामाचेच फोटो अधिक दिसतात.
आता तर कतरिना चक्क ऑलम्पिक स्विमर मायकेल फेल्पसोबत व्यायाम करताना दिसत आहे. कतरिना आणि मायकेल दोघांनीही काळ्या रंगाचे जीमचे कपडे घातले होते. नेहमी शिक्षिकेच्या भूमिकेत असणारी कतरिना यावेळी विद्यार्थिनीच्या भूमिकेत होती. ती फेल्पकडून काही वर्कआऊट टेकनिक्‍स शिकत होती.
फेल्पसोबत वर्कआऊट करण्यासाठी चक्क कतरिनाने तिची फिटनेस गुरू यास्मिन कराचिवालालाही मागे टाकले. या फोटोमध्ये मायकेल त्याच्या वर्कआऊटच्या टीप्स कतरिनासोबत शेअर करताना दिसत आहे. या दोघांमधलं फिटनेसबद्दलचे संभाषण कधीच संपणार नाही असंच वाटते.
डिजिटल प्रभातचे टेलिग्राम जॉईन करण्यासाठी येथे क्लिक करा