राज्यात लवकर सरकार स्थापन होणे गरजेचे

कराड – राज्यात अतिवृष्टी व अन्य गंभीर प्रश्‍न आहेत. त्यांच्याशी युतीला देणेघेणे नसून कोण कुठलं पद घेणार यासाठी “तू तू-मैं मैं’ सुरू आहे. राज्यात लवकरात लवकर सरकार स्थापन होणे गरजेचे असल्याचे मत आ. पृथ्वीराज चव्हाण यांनी व्यक्‍त केली.

ते म्हणाले, राज्यातील परिस्थितीचा आढावा घेऊन कॉंग्रेस व राष्ट्रवादीची चर्चा सुरू आहे. भाजप-शिवसेनेकडे आवश्‍यक संख्याबळ असल्याने त्यांनी मतभेद बाजूला सारून सरकार बनवले पाहिजे. मात्र, दोघांमधील मतभेद टोकाला गेले आहेत. महाराष्ट्राला हे न शोभणारे आहे. निवडणुकीपूर्वी त्यांचे काय ठरले होते, यावर उलटसुलट विधाने होत आहेत. हा पेचप्रसंग महाराष्ट्रासाठी चांगला नसून युतीने त्यातून मार्ग काढला नाही तर महाराष्ट्रात राष्ट्रपती राजवट लागू होऊ शकते.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

Leave A Reply

Your email address will not be published.