पुणे – कसबा विधानसभा मतदार संघात जिल्हा प्रशासन आणि आमदार रवींद्र धंगेकर यांच्या वतीने राबविण्यात आलेल्या शासन आपल्या दारी उपक्रमाला नागरिकांचा उत्तम प्रतिसाद मिळाला. यावेळी मंगळवारी (दि. 6) सावित्रीबाई फुले सभागृहात विविध शासकीय योजना शिबीराचे आयोजन करण्यात आले होते. प्रदेश काॅंग्रेस उपाध्यक्ष मोहन जोशी, माजी गृहराज्यमंत्री रमेश बागवे यांच्या हस्ते करण्यात आले.
याप्रसंगी संजय गांधी निराधार योजनचे मंडल अधिकारी सिमा गेंगजे, तलाठी माधुरी खडसे, अनुराधा गोकुळे, लता चौधरी, नायब तहसीलदार शितल देसाी, तहसीलदार राधिका बारटक्के, रोहिणी शंकरदास, रेशनिंग विभागाचे परिमंडळ अधिकारी लक्ष्मण माने, पुरवठा निरीक्षक पांचाळ आदी विभागाचे अधिकारी, कर्मचाऱ्यांनी शिबीरासाठी विशेष सहकार्य केले.
दरम्यान, शिबीरात संजय गांधी निराधार योजना मान्य अनेक महिलांना मासिक एक हजार रुपये पेन्शनचे पत्रक मान्यवरांच्या हस्ते वाटप करण्यात आले. या शिबीरात लोहियानगर, गंज पेठ, अंगरशा तकिया, महात्मा फुले स्मारक परिसर, टिंबर मार्केट, आदी भागातील नागरिकांनी मोठ्या संख्येने सहभागी होऊन योजनांचा लाभ घेतला. यावेळी विशाल धनवडे, प्रविण नाना करपे, गणेश नलावडे, सुरेश कांबळे, रुपेश पवार, कान्होजी जेधे, शाकिब आबाजी, संजय गायकवाड, गणेश कल्याणकर, आबा उंबरे, वैभव जाधव आदी मान्यवर उपस्थित होते. आमदार रविंद्र धंगेकर, माजी आमदार रमेशदादा बागवे यांनी उपस्थितांना संबोधित केले तर राष्ट्रवादी काॅंग्रेसचे कसबा ब्लाॅक अध्यक्ष गणेश नलावडे यांनी उपस्थितांचे आभार मानले.
