मुंबई – गेल्या वर्षभरात भारतासह काही देशांमध्ये क्रिप्टोकरन्सी अचानक खूप लोकप्रिय झाली. आता लोक बिटकॉइन सारख्या क्रिप्टोकरन्सीमध्ये गुंतवणूक करण्यासाठी स्पर्धा करत आहेत. दरम्यान, असे काही ऍप्स गुगल प्ले स्टोअरवर दिसू लागले जे बिटकॉइनमध्ये गुंतवणूक करण्याचा दावा करतात आणि वापरकर्त्यांकडून पैसे लुटतात.
हे ऍप्स तिथेच थांबत नाहीत, सिक्युरिटी फर्म ट्रेंड मायक्रोच्या मते, हे ऍप्स वापरकर्त्यांच्या खात्यांवर बारीक नजर ठेवतात आणि संधी मिळताच ते हॅक करून खाते साफ करतात. जर तुम्हीही क्रिप्टोकरन्सीमध्ये गुंतवणूक करण्याचा विचार करत असाल तर या ऍप्सबाबत सावधगिरी बाळगणे खूप गरजेचे आहे. पाहुयात, हे ऍप्स कोणते आहेत.
1. बिट फंड
2. बिटकॉइन माइनर
3. बिटकॉइन (BTS)
4. क्रिप्टो होलिक
5. डेली क्रिप्टो रिवॉर्ड
6. बिटकॉइन 2021
7. माइन बिटप्रो (मेनबिट प्रो)
8. इथेरियम (ETH)
- गूगल प्लेस्टोरवर या ऍप्सवर बंदी – सिक्युरिटी फर्म ट्रेंड मायक्रोच्या तक्रारीवरून, गूगल प्ले स्टोअरने त्याच्या प्लॅटफॉर्मवरून या ऍप्सवर बंदी घातली आहे. गुगल प्ले स्टोअरने मान्य केले आहे की हे ऍप्स वापरकर्त्यांसाठी धोकादायक ठरू शकतात. हे ऍप्स वापरकर्त्यांना क्रिप्टोकरन्सी मायनिंगच्या नावाखाली फसवणुकीचा बळी बनवतात आणि काही मिनिटातच त्यांची आयुष्यभराची कमाई चोरतात.
-
आणखी 120 ऍप्सवर गुगलची नजर – सिक्युरिटी फर्म ट्रेंड मायक्रोच्या अहवालानुसार, गुगल प्ले स्टोअर या आठ प्रतिबंधित ऍप्सशिवाय आणखी काही ऍप्सवर ते बारीक नजर ठेवून आहेत. बातमीनुसार, गूगल प्ले स्टोअर लवकरच त्याच्या प्लॅटफॉर्मवरून या ऍप्सवरदेखील बंदी घालणार आहे.
एका अहवालानुसार, गेल्या वर्षात सुमारे 4500 लोक या ऍप्सच्या फसवणुकीचे बळी ठरले आहेत. सिक्युरिटी फर्मच्या तक्रारीवरून गुगल प्लेस्टोरने ऍप्सवर बंदी घालण्याची ही पहिलीच वेळ नाही.