भवानीनगर (ता.इंदापूर) : श्री छत्रपती सहकारी साखर कारखान्यावर साखर संघाचे माजी अध्यक्ष पृथ्वीराज जाचक यांच्या मार्गदर्शनाखाली कारखान्यामध्ये गेटकेन ऊस घेऊ नये याबाबत कारखान्यास दहा दिवसापूर्वी निवेदन देण्यात आले. तरी देखील गेटकेन ऊस कारखान्यामध्ये गाळपास घेत असल्याने हा गेटकेन ऊस कारखान्यात घेऊ नये व सभासदांच्या आडसाली उसाला प्राधान्य देऊन तो ऊस तातडीने गाळपास आणावा याबाबत छत्रपती सहकारी साखर कारखान्यावरील ऊस काटा वजन या ठिकाणी आंदोलन करण्यात आले. यावेळी कारखान्यांमधील ऊस गाळपास आलेले गेटकेन ट्रॅक्टर बाहेर काढण्यात आले.
यावेळी स्वाभिमानी शेतकरी संघटनेचे प्रदेश अध्यक्ष अमर सिंह कदम, विशाल निंबाळकर, सतीश काटे, संभाजी काटे, नानासाहेब निंबाळकर, रोहित निंबाळकर, शेतकरी कृती समितीचे सदस्य व सभासद शेतकरी उपस्थित होते.