Ganesh utsav 2024 । आज अनंत चतुर्दशी असून, गणरायाला निरोप देण्यासाठी पुणेकर सज्ज झाले आहेत. आज सकाळी दहा वाजता मंडई येथील लोकमान्य टिळक यांच्या पुतळ्यापासून श्रींच्या विसर्जन मिरवणुकीला सुरुवात होणार आहे. दरम्यान, पुण्यातील मानाचे गणपती थोड्याच वेळात विसर्जनाला निघणार आहेत.
विसर्जनाची जय्यत तयारी Ganesh utsav 2024 ।
यंदाही मानाच्या आणि प्रमुख मंडळांनी विसर्जनाची जय्यत तयारी केली आहे. ढोल-ताशा पथक, बॅंड, ध्वजपथक याशिवाय विविध संस्था आणि संघटनांचा सहभाग या सगळ्या गोष्टींचे नियोजन जवळपास पूर्ण झाले आहे.
पोलिस प्रशासन, वैद्यकीय सुविधा, यांनी देखील जय्यत तयारी Ganesh utsav 2024 ।
आज दिमाखदार विसर्जन मिरवणुकी शहरभरात पार पडणार आहेत. त्यासाठी पोलिस प्रशासन, वैद्यकीय सुविधा, यांनी देखील जय्यत तयारी केली आहे. शहर परिसरात चोख बंदोबस्त तैनात करण्यात आला आहे. तर दरवर्षीच्या प्रथेनुसार महात्मा फुले मंडई येथील लोकमान्य टिळक यांच्या पुतळ्यास मान्यवरांच्या हस्ते पुष्पहार अर्पण करून साडेदहा वाजता विसर्जन मिरवणुकीला सुरुवात होईल.
लक्ष्मी रस्त्यावरून प्रथम मानाचे पहिले पाच गणपती आणि त्यानंतर इतर गणेश मंडळे लक्ष्मी रोडसह केळकर, कुमठेकर, टिळक आणि कर्वे रस्ता अशा मिरवणूक मार्गांवरून विसर्जनासाठी पुढे मार्गस्थ होतील.
श्रीमंत दगडूशेठ हलवाई गणपती मंडळाची मिरवणूक दुपारी चार वाजता सुरू होणार असल्याची माहिती आहे. मिरवणुकीसाठी साडेसहा हजार पोलिसांचा मोठा फोडफाटा तैनात करण्यात आला आहे. महिलांच्या सुरक्षेसाठी दामिनी मार्शलची पथके असणार आहेत.
