सिडनी : जागतिक स्तरावर पुन्हा एकदा कसोटी क्रिकेटची लोकप्रियता वाढावी तसेच आंतरराष्ट्रीय क्रिकेट स्पर्धांचा व्यग्र कार्यक्रम अधिक सोयीचा व सूकर करण्यासाठी आंतरराष्ट्रीय क्रिकेट परिषदेकडून (आयसीसी) पाच दिवसांच्या कसोटी सामन्याचा एक दिवस कमी करत चार दिवसांचा सामना करण्याचा प्रयत्न सुरू आहे. एकीकडे या प्रकारास इंग्लंड क्रिकेट बोर्डाने पाठिंबा दिला आहे तर दुसरीकडे आॅस्ट्रेलियन खेळाडू या प्रस्तावाच्या विरोधात आहे.
Nathan Lyon has launched a strong defence of five-day Test cricket as discussions grow about the merits of four-day matches in the future | @samuelfez https://t.co/6g8EsJxDhq
— cricket.com.au (@cricketcomau) January 1, 2020
आॅस्ट्रेलियाचा फिरकीपटू नॅथन लियोनला चार दिवसांची कसोटी हा प्रयोग हास्यापद वाटतो आहे. लियोन म्हणाला, ” चार दिवसांच्या कसोटी क्रिकेटसाठी माझा विरोध आहे. चार दिवसांमुळे अनेक सामने अनिर्णित सुटतील. आयसीसी यावर विचार करणार नाही, अशी अपेक्षा आहे.”
आॅस्ट्रेलियन संघाचे प्रशिक्षक जस्टीन लँगर हे देखील चार दिवसांच्या कसोटीच्या बाजूने नाहीत. लँगर यांनी पांरपरिक स्वरूप बदलू , असे मत मांडले आहे. पुढे ते म्हणाले की, ” मी पांरपरिक क्रिकेटचा पाठिराखा आहे. त्यातील बदल मला आवडणार नाही. चार दिवसांच्या कसोटीमुळं कसोटी क्रिकेटची गमंत कायम राहणार असेल, तर मला काहीही हरकत नाही.”
दरम्यान, आॅस्ट्रेलियन संघाचा कर्णधार टिम पेन आणि उपकर्णधार ट्रॅव्हिस हेड यांनी देखील पाच दिवसांच्या कसोटीला पंसती दर्शविली आहे.
हा बदल २०२३ ते २०३१ या कालावधीसाठी असेल. जर हा प्रयोग यशस्वी ठरला आणि त्यात यश आले, तर कसोटी सामना चार दिवसांचाच राहिल. कसोटी सामने ४ दिवस केले तर एका दिवसात ९० ऐवजी ९८ षटके टाकली जातील.
अनिर्णित राहणारे कसोटी सामन्यांच्या दिवसांची संख्या पाच दिवस करूनही बरेच सामने निकाली निघत नाहीत. दुसरीकडे काही सामने तर तीन दिवसांतच संपतात. त्यामुळे कसोटीला गतवैभव मिळावे यासाठी आयसीसीने हे पाऊल उचलले आहे.
नव्या वर्षात आयसीसी कसोटी खेळणा-या सर्व देशांच्या क्रिकेट मंडळांना बैठकीचे निमत्रंण देणार असून त्यानंतरच या निर्णयावर शिक्कामोर्तब होईल.