नवी दिल्ली : देशाचे माजी अर्थमंत्री आणि भाजपाचे ज्येष्ठ नेते अरुण जेटली यांची प्रकृती आणखी खालावली आहे. त्यांच्यावर दिल्लीतील एम्स रूग्णालयात उपचार सुरू आहेत. एका वृत्तसंस्थेने याविषयी माहिती दिली आहे. जेटली यांच्यावर कार्डिओ-न्यूरो सेंटरमध्ये उपचार सुरू आहेत. सध्या त्यांना एक्‍स्ट्राकोर्पोरियल मेंब्रेन ऑक्‍सिजनेशन आणि इंट्रा-एओर्टिक बलून पंप सपोर्ट द्यावा लागत आहे. याआधी त्यांना लाईफ सपोर्ट सिस्टीमवर ठेवण्यात आले होते. त्यामुळे त्यांच्या तब्बेतीत सुधारणा झाली नाही म्हणून डॉक्‍टरांनी क्‍स्ट्राकोर्पोरियल मेंब्रेन ऑक्‍सिजनेशन आणि इंट्रा-एओर्टिक बलून पंप सपोर्ट देण्यात येत आहे.
Former Finance Minister Arun Jaitley is on Extracorporeal membrane oxygenation (ECMO) and Intra-aortic balloon pump (IABP) support, in critical stage at the All India Institute of Medical Sciences, Cardio-Neuro Centre, Delhi. On urge for dialysis to start: Sources at AIIMS pic.twitter.com/DAwx3ZGK1q
— ANI (@ANI) August 18, 2019
श्वसनाचा त्रास जाणवू लागल्याने नऊ ऑगस्ट रोजी अरुण जेटली यांना रुग्णालयात दाखल करण्यात आले होते. तेव्हापासून त्यांच्यावर उपचार सुरू आहेत. पंतप्रधान नरेंद्र मोदी यांच्यासह गृहमंत्री अमित शहा, लोकसभा अध्यक्ष ओम बिर्ला, केंद्रीय आरोग्य मंत्री डॉ. हर्षवर्धन दीक्षित यांनी त्यांची रुग्णालयात जाऊन भेट घेतली आहे. मागील काही दिवसांपासून अरूण जेटलींची तब्येत खराब आहे. त्यामुळे त्यांनी मोदी सरकारच्या दुसऱ्या कार्यकाळातील कॅबिनेट मंत्रिमंडळात सहभागी होण्यास नकार दिला होता.
