चंद्रपूर – विधानसभेचे माजी उपसभापती आणि राष्ट्रवादी कॉंग्रेसचे ज्येष्ठ नेते मोरेश्वर टेमुर्डे यांचे आज पहाटे निधन झाले. वयाच्या 81व्या वर्षी त्यांनी अखेरचा श्वास घेतला. हृदयविकाराचा झटका आल्याने त्यांची प्राणज्योत मालवली. दरम्यान, मृत्यूनंतर अंत्यसंस्कार न करता त्यांचे पार्थिव वैद्यकीय महाविद्यालयाला दान करण्यात यावे, अशी त्यांनी मृत्यूपूर्वी इच्छा व्यक्त केली होती. त्यानुसार, त्यांचा त्यांचा मृतदेह वैद्यकीय महाविद्यालयात देण्यात येणार आहे. त्यांच्या पश्चात पत्नी, 2 मुले,1 मुलगी असा परिवार आहे.
जिल्हाधिकारी डाॅ. राजेश देशमुख यांना केंद्रीय निवडणूक आयोगाचा पुरस्कार
कधीकाळी शेतकरी नेते शरद जोशी यांच्या शेतकरी संघटनेकडून वरोरा विधानसभा मतदार संघातून सलग दोन वेळा निवडणूक जिंकून आमदार झालेले ऍड. टेमुर्डे राष्ट्रवादी कॉंग्रेस पक्षाची स्थापना होताच शरद पवार यांच्या नेतृत्वात राष्ट्रवादी कॉंग्रेस पक्षात सामील झाले. तेव्हापासून राष्ट्रवादी कॉंग्रेसमध्येच सक्रिय होते. शरद पवार यांचे ते निकटवर्तीय होते.
बारामती: अष्टविनायक मोरगावात माघी यात्रेस प्रारंभ; श्रींच्या जलस्नानासाठी भाविकांची गर्दी
मोरेश्वर टेमुर्डे हे महाराष्ट्राच्या राजकारणातील महत्त्वाचे व्यक्तीमत्त्व होते. वरोरा तालुक्यात पक्षाला बळकटी आणण्यासाठी टेमुर्डे यांचा मोलाचा वाटा आहे. तसेच त्यांनी पक्षाचे संघटन विस्तारण्यासही मदत केली. 1991 ते 1995 आणि 1995 ते 2000 या काळात ते वरोरा क्षेत्राचे आमदार होते. तर, 1991 ते 1995 सालात त्यांनी विधानसभेचे उपाध्यक्षपदही भुषवले.
दरम्यान, नुकतीच त्यांनी कॉंग्रेसचे विद्यमान खासदार बाळू धानोरकर यांना कॉंग्रेसने पुन्हा उमेदवारी देऊ नये, अशी मागणी कॉंग्रेस नेते, खासदार राहुल गांधी यांना पत्र लिहून केली होती. या मागणीमुळे ते चर्चेत आले होते.