पुणे : देशाच्या पूर्व व पश्चिम किनारपट्टीहून गणेश पेठ येथील मासळी बाजारात मासळी दाखल होत आहे. मार्गशीर्षातील उपवासाच्या अनुषंगाने बाजारातील मागणीनुसार व्यापारी वर्गाकडून मासळी मागविण्यात येत आहे. मात्र, त्या तुलनेत मालाची उपलब्धता नसल्याने मासळीचे गत आठवड्यातील तेजीतील भाव टिकून आहेत. तुलनेत पक्ष्यांचा मुबलक पुरवठा होत असल्याने चिकनच्या भावात गत आठवड्याच्या तुलनेत वीस रुपयांनी घट झाली आहे.
मागणीएवढाच पुरवठा असल्याने मटण, गावरान व इंग्लिश अंड्यांचे भाव स्थिर राहिल्याचे सांगण्यात आले. गणेश पेठ येथील मासळी बाजारात रविवारी (दि. 8) खोल समुद्रातील मासळी 10 ते 15 टन, खाडीच्या मासळीची 200 ते 400 किलो आणि नदीच्या मासळीची 700 ते 800 किलो इतकी आवक झाली. आंध्र प्रदेश येथून रहू, कतला आणि सिलनची मिळून सुमारे 20 ते 25 टन इतकी आवक झाली.
खोल समुद्रातील मासळी (प्रतिकिलोचे भाव) – पापलेट : कापरी : 1600-1800, मोठे : 1500, मध्यम : 1200, लहान : 800-900, भिला : 600-700, हलवा : 500-600, सुरमई : 250-800, रावस : लहान 650-750, मोठा 900-1000, घोळ : 800-900, करली : 280-360, करंदी (सोललेली) : 440-480, भिंग : 300-400, पाला : 700-1600. वाम : पिवळी 800-1000, काळी : 300-400, ओले बोंबील : 180-240. कोळंबी : लहान : 200-240, मोठी : 480-650, जम्बो प्रॉन्स : 1400-1500, किंग प्रॉन्स : 600-700, लॉबस्टर : 1800-2000, मोरी : 280-320, मांदेली : 100-140, राणीमासा : 200-240, खेकडे : 400-450, चिंबोर्या : 500-600. खाडीची मासळी : सौंदाळे : 200-240, खापी : 240-280, नगली : 280-700, तांबोशी : 440-480, पालू : 240-280, लेपा : 160-200, बांगडा : लहान 120-160, मोठा 180-220, शेवटे : 200-240, पेडवी : 100, बेळुंजी : 140-160, तिसऱ्या : 240, खुबे : 150, तारली : 120-160. नदीतील मासळी : रहू : 160-200, कतला : 160-350, मरळ : 450-500, शिवडा : 200-240, खवली : 250, आम्ळी : 150, खेकडे : 300-600, चिलापी : 80-180, वाम : 500-550. मटण : बोकडाचे 780, बोलाईचे 780, खिमा 780, कलेजी 800. चिकन 200, लेगपीस 250, जिवंत कोंबडी 130, बोनलेस 300. अंडी : गावरान (शेकडा) 1130, डझन 140, प्रतिनग 12. इंग्लिश (शेकडा) 675, डझन 90, प्रतिनग 7.50.
