Vidhan Parishad Election 2026 : विधान परिषद निवडणुकीच्या पार्श्वभूमीवर भाजपने आपल्या नगरसेवकांना एकसंघ ठेवण्यासाठी विशेष रणनीती आखल्याची चर्चा राजकीय वर्तुळात रंगली आहे. नागपूर स्थानिक स्वराज्य संस्था मतदारसंघाच्या निवडणुकीत पक्षाची मते फुटू नयेत, यासाठी भाजपचे सर्व नगरसेवक मतदानापर्यंत नागपूरबाहेर ठेवण्याचे नियोजन करण्यात आल्याची माहिती समोर आली आहे.

या निवडणुकीत भाजपचे डॉ. राजीव पोतदार आणि काँग्रेसचे अतुल लोंढे यांच्यात थेट सामना होत आहे. नागपूर महानगरपालिकेत भाजपचे संख्याबळ भक्कम असले तरी काँग्रेसकडून क्रॉसव्होटिंगचा दावा करण्यात आला आहे. त्यामुळे कोणत्याही प्रकारची राजकीय अनिश्चितता टाळण्यासाठी भाजपकडून खबरदारीची पावले उचलली जात असल्याचे सांगितले जात आहे.   (Vidhan Parishad Election 2026)

मिळालेल्या माहितीनुसार, 10 जूनपासून भाजपचे सर्व नगरसेवक नागपूरबाहेर जाणार आहेत. सर्वप्रथम त्यांना मुंबईतील रामभाऊ म्हाळगी प्रबोधिनी येथे आयोजित अभ्यासवर्गात सहभागी करून घेतले जाणार आहे. या अभ्यासवर्गात पक्ष संघटन, प्रशासन आणि आगामी स्थानिक स्वराज्य संस्थांच्या निवडणुकांबाबत मार्गदर्शन केले जाणार आहे.  (Vidhan Parishad Election 2026)

हेही वाचा : Ameesha Patel: ५१ व्या वर्षीही अविवाहित का आहे अमीषा पटेल? अभिनेत्रीनेच सांगितले लग्न न करण्यामागचे कारण

यानंतर नगरसेवकांना तीन दिवसांच्या गोवा दौ ऱ्यावर नेण्याची तयारी सुरू असल्याचे समोर आले आहे. या काळात ते स्थानिक राजकीय घडामोडींंपासून दूर राहतील. त्यानंतर मुंबईत मुख्यमंत्री आणि पक्ष नेतृत्वाशी संवाद तसेच दोन दिवसीय प्रशिक्षण शिबिरात सहभागाचा कार्यक्रम प्रस्तावित असल्याची माहिती आहे.

मतदानाच्या एक दिवस आधी, म्हणजेच 17 जून रोजी सर्व नगरसेवक नागपुरात परतणार आहेत. मतदान होईपर्यंत नगरसेवक एकसंघ राहावेत आणि पक्षाचे संख्याबळ अबाधित राहावे, यासाठी हे संपूर्ण नियोजन करण्यात आल्याची राजकीय वर्तुळात चर्चा आहे.  (Vidhan Parishad Election 2026)

‘असा’ असेल टूर प्लॅन   (Vidhan Parishad Election 2026)

• 10 जून रेल्वेने नागपुरातून मुंबईकडे रवानगी करण्यात येणार आहे.
•  11 जून मुंबईतून गोव्याला जाणार.
• 14 जून पर्यंत गोव्यात मुक्काम.
• 14 जून रोजी मुंबईत परत आल्यानंतर मुख्यमंत्री देवेंद्र फडणवीस यांच्याशी भेट.
• 15 आणि 16 जून “रामभाऊ म्हाळगी प्रबोधिनी” येथे नगरसेवकांसाठी खास प्रशिक्षण शिबिर.
•  17 जूनला रेल्वेने नागपूर परत येतील.
• 18 जून विधान परिषद निवडणुकीचा मतदान.

हेही वाचा : Rakhee Gulzar love Story : 53 वर्षांपूर्वी झालं लग्न, पण एका गैरसमजाने तुटलं नातं; राखी-गुलजार यांच्या प्रेमकथेचा अनोखा शेवट