मोरगाव – सुपे ता . बारामती येथे राज्य उत्पादन शुल्क विभागाच्या पथकाने अवैध दारु विक्रीवर धडक कारवाई केली. यामध्ये एकूण चार लोकांवर गुन्हे दाखल करण्यात आले असून हातभट्टी दारु व दारु बनविण्यासाठी रसायण असे एकूण सत्तावन हजार रुपयांचा मुद्देमाल जप्त करून नाश करण्यात आलेला आहे.
राज्य उत्पादन शुल्क विभागाला बारामती तालुक्यातील सुपे येथे अवैध दारू विक्री व हातभट्टी विक्री होत असल्याची माहिती मिळाली . यानंतर राज्य उत्पादन शुल्क विभागाचे उपायुक्त प्रसाद सुर्वे, अधीक्षक संतोष झगडे , उपाधीक्षक संजय जाधव यांच्या मार्गदर्शनाखाली निरीक्षक विजय मनाळे , महिला जवान नीलम धुमाळ , विजय विंचुरकर , अशोक पाटील यांनी या अवैध व्यवसायावर धडक कार्यवाही केली .
यामध्ये एकूण चार लोकावर गुन्हे दाखल करण्यात आले आहे. पैकी आकाश मच्छिंद्र रायते रा . सुपा ता बारामती , बटवरा भोलेराज नानावत रा . खोर ; ता .बारामती या आरोपीस ताब्यात घेतले आहे . या कार्यवाहीत एकुण सत्तावण हजार ७२५ रुपयांची २२२ लिटर हातभट्टी दारु , तर दारु बनविण्यासाठी १७५० लिटर रसायन ताब्यात घेऊन नष्ट केले आहे .