बर्लिन – कोविड-19 विरोधात फायझर आणि बायोएनटेक या औषध कंपन्यांनी विकसित केलेल्या लसींची सुरक्षितता आणि परिणामकारकता यंच्याबाबतचा निर्णय 29 डिसेंबरच्या बैठकीमध्ये घेतला जाईल, असे युरोपियन मेडिसीन्स एजन्सीने म्हटले आहे.
मॉडर्ना इंक कंपनीने विकसित केलेली कोविड-19 प्रतिबंधक प्रायोगिक लस मंजूर करायची की नाही याबाबत लवकरात लवकर म्हणजे 12 जानेवारीच्या बैठकीत ठरवले जाईल, असेही या एजन्सीने म्हटले आहे.
मॉडर्ना कंपनीने सादर केलेल्या वैद्यकीय विश्लेषणाच्या डाटाचा आढावा घेण्यास यापूर्वीच सुरुवात झाली आहे. आता या लसीच्या आधारे प्रतिकारक क्षमता किती प्रमाणात विकसित केली जाऊ शकते आणि संपूर्ण युरोपात या लसीचा व्यापक उपयोग केला जाऊ शकतो का, याचा अभ्यास केला जात आहे.
जर हा डाटा गुणवत्ता, सुरक्षितता आणि परिणामकारकतेबाबत पुरेसा सकारात्मक असेल तर 12 जानेवारीला होणाऱ्या बैठकीत या लसीच्या वापराला मंजूरी दिली जाईल, असेही एजन्सीने म्हटले आहे.