बॉलीवूड अभिनेत्री मौनी रॉयने अल्पावधीतच आपली एक स्वतंत्र ओळख निर्माण केली आहे. ती सध्या आगामी लंडन कॉन्फिडेंशियल या चित्रपटाच्या शूटिंगमध्ये व्यस्त आहे. यात तिच्यासोबत अभिनेता पुरब कोहली मुख्य नायकाची भूमिका साकारत आहे.
View this post on Instagram
I don’t have to live in the real world, I believe am fictional anyway♠️x 📸 & ♥️ @yangkathie
सध्या दुबईत असलेली मौनी म्हणाली की, लॉकडाऊनमुळे मला जीवनात काही उत्तम धडे मिळाले आहेत. करोनाच्या पार्श्वभूमीवर काही नवीन नियम बनविण्यात आले आहेत.
आम्ही वेळोवेळी डिसइंफेक्टेंटचा वापर करीत असतो. तसेच सेटवर फक्त एकच विभाग उपस्थित राहण्याची परवानगी आहे. पण सुरुवातीला थोडासा तणाव होता, कारण सेटवर आम्हाला या गोष्टींची सवय नव्हती. हळूहळू ते अंगवळणी पडत चालले आहे. जेव्हा मी मुंबई सोडलो तेव्हापासून मी सात वेळा स्वॅब टेस्ट केली आहे. या नवीन गोष्टींची आता सवय झाली असल्याचे तिने सांगितले.
लंडन कॉन्फिडेंशनचे दिग्दर्शन कंवल सेठी करत असून मोहित छाबरा आणि अजय राय हे निर्मिता आहेत. हुसेन जैदी यांनी लिहिलेली ही कथा चीनमधील अशा लोकांच्या शोधावर आधारित आहे जे या विषाणूचा प्रसार करण्यास जबाबदार आहेत.
या चित्रपटात कुलराज रंधावा, सागर आर्य, दिलजॉन सिंह मुख्य भूमिका साकारत आहेत. हा चित्रपट ओटीटी प्लॅटफॉर्मवर प्रदर्शित होणार आहे.