मुंबई – टीव्ही जगतात सर्वाधिक टीआरपी असलेला शो म्हणून हिंदी बिग बॉसकडे पाहिले जाते. सध्याचा बिग बॉसचा सिझन पहिल्याच दिवसापासून वादळी ठरणार असल्याचं स्पष्ट झालं होत.शोमध्ये सामील असलेल्या चित्रपट निर्माता आणि दिग्दर्शक साजिद खान विरोधात आता बॉलिवूड अभिनेत्री शर्लिन चोप्राने थेट केंद्रीय मंत्र्यांना पत्र लिहीत साजिद खानची बिग बॉसच्या घरातून हकालपट्टी करण्याची मागणी केली आहे.
शर्लिनने केंद्रीय मंत्री अनुराग ठाकूर यांना पत्र लिहीत साजिद खान हा मिटू प्रकरणातील आरोपी असून त्याला बिग बॉसच्या घरातून बाहेर काढण्याची विनंती केली आहे. त्यासोबतच शर्लिनने मंत्री ठाकूर यांना तात्काळ बिग बॉसचे ब्रॉडकास्टींग थांबवण्याची देखील विनंती केली आहे. आपल्या मागणीचा एक व्हिडीओ देखील शर्लिनने सोशल मीडियावर प्रसारित केला आहे.
माननीय केंद्रीय मंत्री, श्री @ianuragthakur जी से हम सभी पीड़ित महिलाएँ और वो लोग जो यौन शोषण का विरोध करते हैं, हमारी गुज़ारिश है कि #BigBoss शो के ब्रॉडकास्ट को तत्काल रद्द कर दिया जाए।
किसी भी महिला की गरिमा और सुरक्षा से बढ़कर कोई TRP रेटिंग नहीं हो सकती है! #EvictSajidKhan pic.twitter.com/Mt2zjMKHJM— Sherlyn Chopra (शर्लिन चोपड़ा)🇮🇳 (@SherlynChopra) October 19, 2022
या आधी देखील केले होते आरोप
शर्लिन चोप्राने या आधी देखील साजिद खानवर मिटू कॅम्पेनिंगदरम्यान गंभीर आरोप केले होते. त्या आरोपांमध्ये शर्लिनने साजिदने आपल्यासोबत अश्लील वर्तन केल्याचे म्हंटले होते. जेव्हापासून साजिद बिग बॉसमध्ये गेला आहे तेव्हापासून शर्लिन चोप्रा त्याच्याविरोधात पुन्हा बोलायला सुरुवात झाल्याचे पाहायला मिळले.