Earthquake | पश्चिम बंगालमध्ये मंगळवारी 25 फेब्रुवारी रोजी भूकंपाचे धक्के जाणवले आहेत. बंगालच्या उपसागरात 5.1 रिश्टर स्केल तीव्रतेचा भूकंप झाल्याची माहिती राष्ट्रीय भूकंपशास्त्र केंद्राने दिली आहे. भारतीय वेळेनुसार, आज सकाळी 6:10 वाजता भूकंपाचे हादरले बसले आहेत.
भूकंपाचा केंद्रबिंदू बंगालच्या उपसागरात 91 किमी खोल होता. कोलकाताजवळील भूकंपाची पुष्टी नॅशनल सेंटर फॉर सिसामोलॉजीने केली आहे. सकाळी झालेल्या भूकंपामुळे लोकांमध्ये घबराट निर्माण झाली आहे. परंतु कोणत्याही प्रकारचे नुकसान किंवा कोणी जखमी झाल्याचा माहिती अद्याप समोर आलेली नाही. Earthquake |
An earthquake with a magnitude of 5.1 on the Richter Scale hit the Bay of Bengal at 06:10 IST today
(Source – National Center for Seismology) pic.twitter.com/Fro47VpwTK
— ANI (@ANI) February 25, 2025
दिल्लीतही भुकंपाचे धक्के जाणवले होते
रविवारी दुपारी 3.24 वाजता उत्तर प्रदेशच्या गझियाबाद येथे 2.8 तीव्रतेचा भूकंप झाला. नॅशनल सेंटर फॉर सिसामोलॉजीच्या म्हणण्यानुसार रविवारी झालेल्या भूकंपाची खोली 10 किमी होती. तर काही दिवसांपूर्वी दिल्लीत 4.0 तीव्रतेचा भूकंप झाला होता. भूकंपाचा केंद्रबिंदू दक्षिण पश्चिम दिल्लीतील धौला कुआनमध्ये होता. या भूकंपाचे धक्के काही सेकंद जाणवले होते. ज्यानंतर लोक घाबरून घराबाहेर पडली होती. याचे काही व्हिडिओ देखील समोर आले होते. Earthquake |
हेही वाचा:
‘हिंमत असेल तर उद्धव ठाकरेंवर…’, नीलम गोऱ्हेंच्या ‘त्या’ आरोपांवर बच्चू कडूंची मागणी
