सासवड, (प्रतिनिधी) – विश्वरत्न डॉ. बाबासाहेब आंबेडकर यांनी जगाला शांतीचा संदेश देणारा भगवान गौतम बुद्धांचा महान धम्म या देशाला देऊन भारतासाठी खूप मोठे योगदान दिले आहे, असे प्रतिपादान पुरंदर-हवेलीचे आमदार संजय जगताप यांनी केले.
पुरंदर तालुक्यात डॉ. बाबासाहेब आंबेडकर उद्यान सासवड येथे डॉ. बाबासाहेब आंबेडकर यांच्या पुतळ्यास आमदार जगताप यांच्या हस्ते पुष्पहार अर्पण करण्यात आला.
कार्यक्रमाच्या अध्यक्षस्थानी भारतीय बौद्ध महासभेचे शेखर पोळ होते भारतीय बौद्ध महा सभेच्या वतीने त्रिशरण, पंचशील, भीमस्तुती, धम्मपालन गाथा घेण्यात आली.
यावेळी बहुजन हक्क परिषदेचे संस्थापक अध्यक्ष सुनील धिवार, बहुजन सचिव कैलास धिवार, सासवड नगरीचे माजी नगरसेवक सोपानराव रणपिसे, भारतीय बौद्ध महासभेचे शेखर पोळ, अनिल मसने, आनंद घोरपडे, कृषी अधिकारी सुनील जगताप आदींनी मनोगत व्यक्त केले.
धम्मचक्र प्रवर्तन दिनाच्या उपस्थित सर्व धम्म बांधवांच्या वतीने पुरंदर तालुक्यामध्ये विश्वरत्न डॉ. बाबासाहेब आंबेडकरांची विचार प्रबोधन पर एकच मोठी जयंती साजरी करायची असे ठरविण्यात आले.
यावेळी सासवड नगरपालिकेचे माजी उपनगराध्यक्ष अजित जगताप, माजी नगरसेवक संतोष गिरमे, सासवड शहर युवक काँग्रेस अध्यक्ष तुषार जगताप, पुरंदर तालुका अल्पसंख्यांक सेलचे अध्यक्ष मोबीन बागवान,
पोपट भोसले, डी. जी. गायकवाड, सुमित साबळे, अक्षय गायकवाड, विक्रांत रणपिसे, लक्ष्मण लोंढे, अनिरुद्ध दोडके, साई सकट, राजेंद्र लोंढे, जितेंद्र पोळ, भगवंत सोनवणे उपस्थित होते. सूत्रसंचालन योगेश घोरपडे यांनी केले.
