आजच्या काळात जवळजवळ प्रत्येकजण व्हॉट्सऍप अगदी सहज वापरत आहे. आधुनिक युगात,व्हॉट्सऍप हा लोकांच्या दैनंदिन दिनक्रमाचा एक महत्त्वाचा भाग बनला आहे. तुमचे मित्र, नातेवाईक आणि ऑफिसमधील लोकांच्या छोट्या-छोट्या कामांव्यतिरिक्त, तुम्ही व्हॉट्सऍपद्वारे शाळा-कॉलेजातील शिक्षक आणि प्राध्यापकांशीही संपर्क साधू शकता.
परंतु भारतात डिजिटल साक्षरतेच्या अभावामुळे बरेच लोक सायबर गुन्ह्यांचे बळी ठरतात. त्याचप्रमाणे, आजकाल व्हॉट्सऍपच्या नावावर एक घोटाळा केला जात आहे, ज्यामध्ये लोक व्हॉट्सऍपद्वारे तुमची वैयक्तिक माहिती तसेच बँकिंगशी संबंधित अनेक माहिती चोरतात. यामुळे तुमचे आर्थिक नुकसान होऊ शकते. आज आम्ही तुम्हाला व्हॉट्सऍपवर होणारी फसवणूक टाळण्याचे उपाय सांगणार आहोत. चला तर मग जाणून घेऊया.
* घोटाळेबाज ‘असा चुना लावतात
सध्या नवीन वर्षाच्या नावाने काही भ्रष्ट ठग इतर लोकांना लिंक पाठवत आहेत, ज्यामध्ये नवीन वर्षाच्या निमित्ताने आपण एक महागडी आणि मौल्यवान भेट जिंकली आहे असे लिहिलेले असते. हे वाचल्यानंतर बरेच लोक लिंकवर क्लिक करतात. जिथे ते सर्वेक्षणाच्या नावाखाली त्यांची सर्व माहिती घेतात. जसे की तुमचे नाव, जन्मतारीख, पत्ता आणि बँक खाते माहिती. हे सर्व मिळाल्यानंतर हे बदमाश ठग सहजपणे तुमच्या बँक खात्यात घुसू शकतात.
* फसवणूक टाळण्यासाठी ‘या’ मार्गांचा अवलंब करा :
. तुम्हाला प्रलोभन देणारी किंवा लॉटरी जिंकण्याचे म्हणून तुम्हाला एखादी लिंक आली तर ती उघडणे टाळा आणि अशा लोकांना ब्लॉक करा.
. तुम्ही लिंकवर क्लिक देखील करू नका. कारण अनेक वेळा ते रिमोट ऍप्स तुमच्या फोनमध्ये डाउनलोड करून तुम्हाला लुटतात.
. ज्याच्या URL मध्ये चुकून RU लिहिलेला असेल तो WhatsApp मेसेज कधीही उघडू नका. अशा लिंक्समुळे तुमचे बँक खाते रिकामे होऊ शकते.